ភ្នំពេញ៖ “ពាណិជ្ជករផលិតគ្រឿងឧបភោគបរិភោគនៃប្រទេសរុស្ស៊ី បានដាក់លក់ផលិតផលតាមអនឡាញនៃពិព័រណ៍នាំចូលចិនអន្តរជាតិ គ្រាន់តែចំណាយពេលប៉ុន្មានវីនាទីប៉ុណ្ណោះក៏ទទួលបានប្រាក់ចំណេញរាប់លានប្រាក់យាន់ចិនដែរ ។” «សារព័ត៌មានរុស្ស៊ី»បានចុះផ្សាយដំណឹងដូចពោលខាងលើនាពេលថ្មីៗកន្លងទៅនេះ ។ រីឯកាសែត zaobaoនៃប្រទេសសិង្ហបុរីវិញ បានចុះផ្សាយដំណឹងយ៉ាងលម្អិតអំពីការស្វែងរកឳកាសពាណិជ្ជកម្មយ៉ាងសកម្មតាមរយៈពិព័រណ៍នាំចូលចិនអន្តរជាតិលើកទីបួនរបស់ពាណិជ្ជករសិង្ហបុរី ដោយបានអះអាងថា ក្រុមអ្នកមានជាច្រើនរបស់ប្រទេសចិនបានផ្តល់ឳកាសពាណិជ្ជកម្មពិសេសដល់សហគ្រាសសិង្ហបុរី ដូច្នេះ ទោះបីជាក្នុងបរិបទនៃការរីករាលដាលនៃជំងឺកូវីដ១៩ក៏ដោយ ក៏សហគ្រាសសិង្ហបុរីបានពុះពារឧបសគ្គដើម្បីចូលរួមការតាំងពិព័រណ៍ផងដែរ ។
អ្វីដែលបានចាប់អារម្មណ៍ពីភាពរស់រវើកនៃពិព័រណ៍នាំចូលចិនអន្តរជាតិមិនត្រឹមតែសហគ្រាសមួយចំនួនប៉ុណ្ណោះទេ ថែមទាំងបរិមាណជួញដូរតាមកិច្ចសន្យាក្នុងមួយឆ្នាំមានដល់ទៅ៧០៧២០លានដុល្លារអាមេរិកផងដែរ តួលេខនេះបានបង្ហាញឱ្យឃើញនូវសមិទ្ធផលជាផ្លែផ្កាដែលសហគ្រាសលើពិភពលោកទាំងមូលទទួលបានក្នុងពិព័រណ៍នាំចូលអន្តរជាតិ ។ ដូចនេះ សហគ្រាសជាច្រើនដែលបានចូលរួមក្នុងពិព័រណ៍លើកនេះ បាននាំគ្នាលើកឡើងថា“ ឆ្នាំក្រោយនឹងមកចូលរួមម្តងទៀត”។
សហគ្រាសដែលទទួលបានសមិទ្ធផលគួរឱ្យកត់សម្គាល់មិនត្រឹមតែសហគ្រាសរុស្ស៊ីនិងសិង្ហបុរីប៉ុណ្ណោះទេ ក្នុងចំណោមឯកសារមានបំណងធ្វើកិច្ចសហប្រតិបតិ្តការចំនួនជាង២រយច្បាប់ដែលបានឈានដល់ដោយសហគ្រាសចិននិងបរទេសចំនួនជាង១ពាន់ ប្រទេសនៅតាមបណ្តោយ “ខ្សែក្រវាត់និងផ្លូវ”ទទួលបានការបញ្ជាទិញជាច្រើន ។ ប្រការដែលគួរតែឱ្យចាប់អារម្មណ៍ គឺសហគ្រាសអាមេរិកដែលបានចូលរួមពិព័រណ៍ឆ្នាំនេះ មានចំនួនប្រហែល២រយសហគ្រាស ដែលបានបំបែកកំណត់ត្រាថ្មី ។ ថ្វីត្បិតតែរដ្ឋាភិបាលសហព័ន្ធអូស្ត្រាលីមិនបានចូលរួមពិព័រណ៍លើកនេះក៏ដោយ ក៏រដ្ឋបាលរដ្ឋ Victoriaរបស់អូស្ត្រាលីបានទម្លាក់ថវិកាដោយខ្លួនឯងដើម្បីផ្តល់ជំនួយជាប្រាក់ដល់សហគ្រាសនៃរដ្ឋនេះចំនួនរាប់សិបសហគ្រាសទៅចូលរួមពិព័រណ៍ ។
ទីផ្សារដ៏ធំធេងរបស់ប្រទេសចិន តម្រូវការយ៉ាងខ្លាំងក្នុងការស្តារសេដ្ឋកិច្ចឡើងវិញ ព្រមនិងការផ្លាស់ប្តូររូបមន្តទៅជាការអភិវឌ្ឍប្រកបដោយគុណភាពខ្ពស់ សុទ្ធតែបានផ្តល់ការបញ្ជាទិញជាច្រើនដល់ពិភពលោកទាំងមូល ដែលបានបំពេញបន្ថែមកម្លាំងចលករសម្រាប់ឱ្យបណ្តាប្រទេសនានាយកឈ្នះលើការរីករាលដាលនៃជំងឺកូវីដ១៩ ។
បច្ចុប្បន្ននេះ ចរាចរណ៍ទំនិញ ឃ្លាំងស្តុកទុក និងកំពង់ផែរបស់ប្រទេសចិនសុទ្ធតែបានស្តារឡើងវិញយ៉ាងល្អប្រសើរ ។ និយាយចំពោះប្រទេសមិនរីកលូតលាស់បំផុតចំនួន៣៣ ដែលទៅចូលរួមពិព័រណ៍ ប្រការនេះមានភាពទាក់ទាញជាពិសេស ។ មិនថាកម្រាលព្រំសិប្បកម្មនិងគ្រាប់Pine nutsរបស់អាហ្វហ្កានីស្ថាន ឬក៏សាប៊ូបុរាណនិងប្រេងផ្កាកុលាបក្រុងដាម៉ាសរបស់ស៊ីរីក្តី ផលិតផលពិសេសដែលមានគុណភាពខ្ពស់និងតម្លៃថោកទាំងនេះ បានចូលក្នុងទីផ្សារធំរបស់ចិនដែលមានចំនួនប្រជាជនជាង១ពាន់៤រយលាននាក់ តាមរយៈពិព័រណ៍នាំចូលចិនអន្តរជាតិ ។ ប្រការនេះនឹងជួយប្រទេសទាំងនេះដោះស្រាយបញ្ហាពិបាកក្នុងការអភិវឌ្ឍពាណិជ្ជកម្ម ហើយឆ្លងតាមរយៈការអភិវឌ្ឍយ៉ាងឆាប់រហ័សរបស់ប្រទេសចិន អាចចែករំលែកនូវកាលានុវត្តភាពអភិវឌ្ឍន៍របស់ការធ្វើសកលភាពវូបនីយកម្មផងដែរ ។
ដំណឹងថ្មីបំផុតបានឱ្យដឹងថា ការងារធ្វើបទបង្ហាញអំពីពិព័រណ៍នាំចូលចិនអន្តរជាតិលើកទីប្រាំបានចាប់ដំណើរការរួចហើយ បច្ចុប្បន្ននេះ ទំហំតាំងពិព័រណ៍ដែលសហគ្រាសបានកក់លើសពី១៥ម៉ឺនម៉ែត្រក្រឡា ធំជាងរយៈពេលដូចគ្នានៃឆ្នាំមុន ។ អាចប៉ាន់ប្រមាណថា ប្រទេសចិនដែលបានពង្រីកការបើកទូលាយប្រកបដោយកម្រិតខ្ពស់ឥតឈប់ឈរ នឹងនាំមកនូវ “សមិទ្ធផលពិព័រណ៍នាំចូលចិនអន្តរជាតិ” និង “ឳកាសចិន”កាន់តែច្រើនដល់សហគ្រាសនៅលើពិភពលោកទាំងមូល ៕