ភ្នំពេញ៖បន្ថែមពីអ្វីដែលជាភាពជោគជ័យនៃ ការរៀបចំព្រឹត្តិការណ៍កីឡា អាស៊ីអាគ្នេយ៍លើកទី៣២ (SEA GAMES ២០២៣ ) ប្រទេសកម្ពុជាក៏នឹងត្រៀម ខ្លួនក្នុងការធ្វើជាម្ចាស់ផ្ទះនៃការរៀបចំ ព្រឹត្តិការណ៍អាស៊ានប៉ារ៉ាហ្គេមលើកទី១២ (ASEAN Para Games ) ដែលនឹងប្រព្រឹត្តទៅចាប់ពីថ្ងៃទី៣ ដល់ថ្ងៃទី៩ ខែមិថុនា ឆ្នាំ២០២៣ ខាងមុខនេះ។
ព្រឹត្តិការណ៍អាស៊ានប៉ារ៉ាហ្គេម (ASEAN Para Games ) តែងតែប្រារព្ធឡើង បន្ទាប់ពីព្រឹត្តិការណ៍កីឡា SEA GAMES និងដោយមានការចូលរួមប្រកួត ពីប្រតិភូអត្តពលិកដែលមាន ពិការភាពពីប្រទេសទាំង១១ ក្នុងតំបន់អាស៊ីអាគ្នេយ៍។
កាលពីឆ្នាំ២០២២ កន្លងទៅនេះ ព្រឹត្តិការណ៍អាស៊ានប៉ារ៉ាហ្គេមលើកទី១១ បានប្រព្រឹត្តទៅនៅទីក្រុងសូឡូ ប្រទេសឥណ្ឌូនេស៊ី ប្រទេសកម្ពុជាបានបញ្ជូនអត្តពលិកចំនួន១១៥ នាក់ដើម្បីចូលរួមប្រកួតលើ ១១ ប្រភេទកីឡា ហើយឆ្នាំ២០២៣នេះ កម្ពុជាបានត្រៀមខ្លួនរួចជាស្រេចក្នុងនាមជាម្ចាស់ផ្ទះនៃព្រឹត្តការណ៍អាស៊ានប៉ារ៉ាហ្គេមលើកទី១២ ដោយមានការប្រកួតលើ១៣ ប្រភេទកីឡា៕
ដោយ៖លី ភីលីព
