ទាំងប្រធានក្លឹបលោក Daniel Levy និងគ្រូបង្វឹកលោក Jose Mourinho សុទ្ធតែសង្ឃឹមថា នឹងអាចបន្តវត្តមានរបស់កីឡាករ ខ្សែប្រយុទ្ធជួរមុខកម្លាំងខ្លាំង Harry Kane ជាមួយនឹងក្លឹបបន្តទៀត ខណៈដែលកីឡាករហាក់បី ដូចជាមានភាពស្រេកឃ្លានខ្លាំង ក្នុងការបង្ហាញខ្លួននៅព្រឹត្តិការណ៍ Champion League។
កាសែតអង់គ្លេស The Sunsports នៅថ្ងៃនេះបានសរសេរថា គ្រូបង្វឹកក្លឹបលោក Mourinho នឹងទទួលបានប្រាក់ត្រឹមតែ ៥០លានផោនប៉ុណ្ណោះ ដើម្បីចំណាយលើកីឡាករចំណូលថ្មី នារដូវកាលក្រោយប្រសិនបើក្លឹបប រាជ័យមិនអាចបង្ហាញខ្លួន នៅព្រឹត្តិការណ៍ Champion League ទេនោះ។
តាមរយៈការចេញផ្សាយរបស់ The Goal ផងដែរក៏បានចុះផ្សាយ ស្រដៀងគ្នានេះដែរហើយបញ្ជាក់ថា កីឡាករខ្សែប្រយុទ្ធផ្ទាល់គឺកំពុង ចាប់ផ្តើមពិចារណាសំណើរនានា ដើម្បីស្វែងរកឧិកាសអភិវឌ្ឍ និងបង្កើតឧិកាសដើម្បីលើកពាន Champion League ជាលើកដំបូងក្នុងអាជីពរបស់ខ្លួន ៕
ប្រែសម្រួលៈ ស៊ុន លី
