កីឡា

កំពូលកីឡាករ វាយកូនហ្គោលលោក Tiger Woods ជួបគ្រោះថ្នាក់ចរាចរណ៍ បុកខ្ទេចខាងមុខរថយន្ត

បរទេស៖ អ្នកវាយកូនហ្គោលល្បីឈ្មោះ គឺលោក Tiger Woods ត្រូវបានបញ្ជូនទៅកាន់មន្ទីរពេទ្យ នៅព្រឹកថ្ងៃអង្គារ បន្ទាប់ពីជួបគ្រោះថ្នាក់ចរាចរណ៍ ដ៏ធ្ងន់ធ្ងរមួយនៅតំបន់ Los Angeles ដែលបានឃើញមន្ត្រីអនុវត្តច្បាប់ ប្រើឧបករណ៍សង្គ្រោះបន្ទាន់ ដើម្បីយកគាត់ចេញពីរថយន្ត ។

យោងតាមសារព័ត៌មាន Sputnik ចេញផ្សាយនៅថ្ងៃទី២៤ ខែកុម្ភៈ ឆ្នាំ២០២១ បានឱ្យដឹងថា ការចេញផ្សាយពីនាយកដ្ឋាន ប៉ូលីសតំបន់ Los Angeles County នៅរដ្ឋកាលីហ្វ័រញ៉ា បាននិយាយថា គ្រោះថ្នាក់បានកើតឡើងនៅម៉ោងប្រហែល ៧ និង ១២ នាទីព្រឹក ម៉ោងក្នុងស្រុក នៅក្បែរ Rolling Hills Estates and Rancho Palos Verdes។ លោក Woods គឺជាអ្នកដំណើរតែម្នាក់គត់ នៅក្នុងរថយន្ត។

ប៉ូលីសបានឱ្យដឹង នៅក្នុងសេចក្តីថ្លែងការណ៍ថា លោក Woods ត្រូវបានដកចេញពីគំនរបាក់បែករថយន្ត ដោយ «ឧបករណ៍ដង្កៀប» ដោយអ្នកពន្លត់អគ្គិភ័យនិងក្រុមគ្រូពេទ្យស្រុក បន្ទាប់មកបានដឹកទៅមន្ទីរពេទ្យ ក្នុងស្រុកដោយរថយន្តសង្គ្រោះបន្ទាន់»៕

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top
×