កីឡា

ក្រុមហ៊ុនភេសជ្ជៈ Coca-Cola ខាតបង់ប្រាក់រាប់ពាន់លានដុល្លារ ក្នុងតម្លៃទីផ្សារ បន្ទាប់ពី Cristiano Ronaldo ដកដប Coca-Cola ចេញពីលើតុសន្និសីទកាសែតនៅ Euros

បរទេស៖ កីឡាករឆ្នើមរបស់ក្លឹបបាល់ទាត់ Juventus គឺ Cristiano Ronaldo មិនមែនជាតារាកីឡាដំបូងគេនោះទេ ដែលបដិសេធម៉ាកភេសជ្ជៈឡើយ ព្រោះ កាលពីឆ្នាំ ២០១៧ លោក Virat Kohli ប្រធានក្រុមកីឡាគ្រីឃីតរបស់ឥណ្ឌា ក៏បានច្រានចោលកិច្ចព្រមព្រៀង រាប់លានជាមួយក្រុមហ៊ុន Pepsi ផងដែរ ។

យោងតាមសារព័ត៌មាន Sputnik ចេញផ្សាយនៅថ្ងៃទី១៦ ខែមិថុនា ឆ្នាំ២០២១ បានឱ្យដឹងថា នៅពេលដែលប្រធានក្រុមព័រទុយហ្កាល់ Cristiano Ronaldo បានយកដប Coca-Cola ចំនួនពីរ ចេញពីតុរបស់គាត់ ក្នុងកំឡុងពេលសន្និសីទកាសែតមួយនៅឯ Euros កាលពីថ្ងៃច័ន្ទនៅឯទីក្រុង Budapest គឺគ្មាននរណាម្នាក់នឹកស្មានថាតើការទង្វើនេះនឹងមានសារៈសំខាន់ប៉ុណ្ណានោះទេ។ នៅពេលដែលខ្សែប្រយុទ្ធរបស់ក្រុមសេះបង្កង់ Juventus បានបញ្ចប់ការនិយាយជាមួយអ្នកសារព័ត៌មាន តម្លៃរបស់ក្រុមហ៊ុនយក្ស Coca-Cola បានធ្លាក់ចុះបន្តិចម្តង ៗ ហើយ – ឥឡូវនេះវាជាថ្ងៃពុធហើយក្រុមហ៊ុនបានរកឃើញធ្លាក់ចុះប្រហែល ៤ ពាន់ពាន់លានដុល្លារពីតម្លៃរបស់វា។

ភ្លាមៗនៅពេលដែលរ៉ូណាល់ដូអង្គុយគាត់ពេបមាត់ដាក់ដបកែវ មុននឹងរំកិលដបទាំងនោះចេញពីមុខរបស់គាត់។ បន្ទាប់មកគាត់កាន់ដបទឹកហើយស្រែកថា “អាហ្គូ!”

សារព័ត៌មាន Associated Press របស់អូស្ត្រាលីបានរាយការណ៍ថា កាយវិការរបស់ Ronaldo បានជះឥទ្ធិពលភ្លាមៗទៅលើតម្លៃរបស់ Coca-Cola ដោយសារតម្លៃភាគហ៊ុនរបស់ក្រុមហ៊ុនអាមេរិកមួយនេះធ្លាក់ចុះពី ៥៦,១០ ដុល្លារ មកនៅត្រឹម ៥៥,២២ ដុល្លារដែលជាការធ្លាក់ចុះ ១,៦ ភាគរយកាលពីថ្ងៃអង្គារ។

តម្លៃទីផ្សាររបស់ Coca-Cola បានកើនដល់ ២៤៨ ពាន់លានដុល្លារ ពី ២៤២ ពាន់លានដុល្លារក្នុងរយៈពេល ២ ថ្ងៃចុងក្រោយនេះ។

ឥទ្ធិពលរបស់ Ronaldo ឈានដល់ហួសពីការបង្ហាញការប្រកួតបាល់ទាត់។ អតីតតារាឆ្នើមរបស់ក្រុមបិសាចក្រហមរូបនេះមានអ្នកតាមដានជិត ៣០០ លាននាក់នៅលើ Instagram, ១៤០ លាននាក់តាមហ្វេសប៊ុក និងជាង ៩២ លាននាក់តាមបណ្តាញសង្គម Twitter ៕ប្រែសម្រួលៈ ណៃ តុលា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top