បរទេស ៖ មួយថ្ងៃបន្ទាប់ពីបានចេញសារ អំពីមេរោគកូរ៉ូណា ទៅកាន់អ្នកតាមដានដ៏ច្រើន របស់គាត់រួចមក ម្ចាស់ពានរង្វាន់ប្រចាំឆ្នាំ Ballon d’Or គឺកីឡាករ Lionel Messi បានក្លាយជាកីឡាករ បាល់ទាត់ថ្មីបំផុត ដែលបានឆ្លងវីរុសកូវីដ១៩ ។
យោងតាមសារព័ត៌មាន RT ចេញផ្សាយកាលពីថ្ងៃទី២ ខែមករា ឆ្នាំ២០២២ បានឱ្យដឹងថា Messi ម្ចាស់ជើងឯក Copa America បានស៊ូទ្រាំ នឹងសុបិន្តអាក្រក់ ដែលបានចាប់ផ្តើមសម្រាប់ឆ្នាំ ២០២២ ជាមួយនឹងព័ត៌មានថា លោកបានឆ្លងមេរោគ រាតត្បាតកូវីដ១៩ ខណៈដែលគាត់រៀបនឹងចាប់ផ្តើមហ្វឹកហាត់ឡើងវិញជាមួយក្លឹប Paris Saint-Germain បន្ទាប់ពីមានបញ្ហារបួស ក្នុងរដូវកាលនេះ។
កីឡាករវ័យ ៣៤ឆ្នាំរូបនេះ បានបង្ហោះសារអំពី Covid មួយថ្ងៃមុននេះ ដោយប្រើ Instagram របស់គាត់ដែលមានអ្នក តាមដានជាង ២៩៦លាននាក់ ដើម្បីផ្តល់គំនិតរបស់គាត់អំពីវិបត្តិ ដែលបានកើនឡើង ដោយការកើនឡើង នៃវីរុសបំលែងថ្មីប្រភេទ Omicron ៕
ប្រែសម្រួលៈ ណៃ តុលា
