ភ្នំពេញ៖ សហព័ន្ធកីឡាបាល់ទាត់កម្ពុជា បានប្រកាសថា ក្នុងមួយថ្ងៃនាថ្ងៃទី ២៤ ខែមេសាឆ្នាំ ២០២៣នេះ ការចែកសំបុត្រដោយឥតគិតថ្លៃ សម្រាប់ការចូលទស្សនាការប្រកួតកីឡាសុីហ្គេម នៅថ្ងៃទី២៩ ខែមេសា នោះគឺបានចែកចាយឲ្យពលរដ្ឋអស់ហើយ។
ចំពោះព័ត៌មាននៃចែកសំបុត្រ បន្តទៀតឬយ៉ាងណានោះ សហព័ន្ធនឹងធ្វេីការផ្ដល់ព័ត៌មាន ដល់ពលរដ្ឋនៅថ្ងៃស្អែក ប្រសិនបេីសហព័ន្ធទទួលបានសំបុត្របន្ថែមពីគណៈកម្មការរៀបចំការប្រកួតកីឡាសុីហ្គេម។
ចំពោះចែកបានប៉ុន្មានសន្លឹកនោះសហព័ន្ធកីឡាបាល់ទាត់កម្ពុជាមិនទាន់បានប្រកាសពីតួលេខនៅឡើយទេ ។ ប៉ុន្តែបើតាមប្រភពមួយបង្ហើបថា សម្រាប់ការចូលទស្សនាស៊ីហ្គេមនៅពហុកីឡដ្ឋានអូឡាំពិតអនុញ្ញាតឲ្យ៣ម៉ឺននាក់៕
