ព័ត៌មានជាតិ
ប្រទះឃើញបំណែក ចម្លាក់ក្បាលនាគ ក្នុងរចនាបថបាយ័ន ផុសឡើងតាមឬសឈើ ក្នុងបរិវេណអតីតរាជធានីអង្គរធំ
ភ្នំពេញ៖ ថ្មីៗនេះ មានការប្រទះឃើញដោយចៃដន្យ នូវក្បាលនាគចំនួន១ ធ្វើពីថ្មភក់ស្ថិតក្នុងរចនាបថបាយ័ន នៅពេលដើមស្រឡៅធំមួយដើមបានដួលរលំ បណ្តាលឲ្យបំណែកក្បាលនាគ កប់ក្នុងដីជាយូរឆ្នាំហើយ ត្រូវបានផុសឡើងតាមឬសឈើ នៅក្នុងបរិវេណវត្តទេពប្រណម្យ អតីតរាជធានីអង្គរធំ។ នេះបើយោងតាមអជ្ញាធរជាតិអប្សរា ។ លោក ឈូក សុម៉ាឡា ប្រធានក្រុមចុះបញ្ជីវត្ថុសិល្បៈ នាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរាបានឲ្យដឹងថា បំណែកក្បាលនាគនេះ បានកប់ក្នុងដីជម្រៅប្រមាណកន្លះម៉ែត្រ...
