បច្ចេកវិទ្យា

បារាំង ពិន័យក្រុមហ៊ុន Google ជិត៦០០ ដុល្លារ ពីបទមិនផ្តល់ កម្មសិទ្ធផ្សព្វផ្សាយព័ត៌មាន

ប៉ារីស៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយព័ត៌មានឲ្យដឹងនៅថ្ងៃទី១៣ ខែកក្កដា ឆ្នាំ២០២១ថា នៅថ្ងៃអង្គារនេះ ប្រទេសបារាំង បានផាកពិន័យក្រុមហ៊ុន Google ចំនួន ៥០០លានអឺរ៉ូ ស្មើនឹង៥៩២ លានដុល្លារអាមេរិក ពីបទមិនបានផ្តល់នូវកិច្ចព្រមព្រៀង ដ៏សមរម្យមួយដល់ក្រុមហ៊ុនប្រព័ន្ធផ្សព្វផ្សាយ ក្នុងស្រុកសម្រាប់ការបង្ហោះមាតិកាព័ត៌មាន របស់ពួកគេ ។

អាជ្ញាធររបស់បារាំងបានបញ្ជាឱ្យ Google បង្ហាញក្នុងរយៈពេល២ខែទៀត “ការផ្តល់ជូនសំណងសម្រាប់ ការប្រើប្រាស់បច្ចុប្បន្ននៃមាតិកា រក្សាសិទ្ធិរបស់ពួកគេ” ។

អង្គភាពប្រឆាំង នឹងការជឿជាក់របស់បារាំង បានបន្ថែមថា ប្រសិនបើក្រុមហ៊ុនយក្សអាមេរិក មួយនេះមិនបានផ្តល់សំណងដល់អ្នកបោះពុម្ពផ្សាយទេនោះ ក្រុមហ៊ុននឹងប្រឈមការពិន័យបន្ថែមរហូតដល់៩០០.០០០ អឺរ៉ូក្នុងមួយថ្ងៃ ស្មើនឹង១,០៦ លានដុល្លារ ។

នៅក្នុងខែមេសាឆ្នាំ ២០២០ អ្នកឃ្លាំមើលបារាំង បានស្នើសុំឱ្យក្រុមហ៊ុន Google ចរចា “ដោយស្មោះត្រង់” ជាមួយក្រុមប្រព័ន្ធផ្សព្វផ្សាយដើម្បីធានាថា ក្រុមហ៊ុនប្រព័ន្ធផ្សព្វផ្សាយ និងអ្នកបោះពុម្ពផ្សាយផ្សេងទៀត ទទួលបានសំណងនៅពេលដែលវារៀបចំមាតិកាព័ត៌មានរបស់ពួកគេ នៅលើវេទិការបស់ខ្លួន ។

ប្រធានរដ្ឋបាលនិយតករបារាំងលោកស្រី Isabelle de Silva បានលើកឡើងថា “នៅពេលអាជ្ញាធរសម្រេចកាតព្វកិច្ចសម្រាប់ក្រុមហ៊ុនមួយ វាត្រូវតែអនុវត្តតាមការគិតពិចារណាទាំងស្មារតី និងលិខិត (នៃសេចក្តីសម្រេចចិត្ត) ។ នេះជាអកុសលមិនមែនជាករណីទេ” ៕ប្រែសម្រួលដោយ៖ ម៉ៅ បុប្ផាមករា

បំរាម៖ ហាមយកព័ត៌មានរបស់សារព័ត៌មាន ដើមអម្ពិល ចុះផ្សាយដោយគ្មានការជូនដំណឹងមកជាមុន។ រាល់បញ្ហាអត្ថបទដែលយកចុះផ្សាយបន្ត ស្ថាប័នយើងខ្ញុំមិនទទួលខុសត្រូវឡើយ។ លោកអ្នកអាចទំនាក់ំទំនងមកក្រុមការងារតាមរយៈ​ទូរស័ព្ទលេខ៖ 012 722337 ឬ dapnews@gmail.com

All rights reserved by: DAP News

To Top