បរទេស៖ យោងតាមការចេញផ្សាយ របស់កាសែតបរទេសនៅសប្តាហ៍នេះ បានឲ្យដឹងថា ប្រទេសកូរ៉េខាងត្បុងបានដាក់ការបង្ហាញ នូវផែនការដ៏អស្ចារ្យមួយ ដែលមានតម្លៃរហូតទៅដល់ ៤៨,៥ទ្រីលានវ៉ុន ឬប្រមាណជា៤៣,២ពាន់លានដុល្លារ ក្នុងការកសាងរោងចក្រ ផលិតថាមពលពីខ្យល់ ដ៏ធំបំផុតលើលោក។
គួរឲ្យដឹងដែរថា រោងចក្រថាមពលខ្យល់ធំជាងគេបំផុត នៅលើពិភពលោកមួយនេះ តាមផែនការនឹងអាចបញ្ចប់ទៅនៅក្នុងឆ្នាំ ២០៣០ ដែលជាផ្នែកមួយនៃកិច្ចខិតខំប្រឹងប្រែង ដើម្បីលើកកម្ពស់ការស្តារឡើងវិញ នូវបរិស្ថានដែលងាយរងគ្រោះពីការរាតត្បាតកូវីដ១៩។
គ្រោងការណ៍នេះផងដែរ ក៏ត្រូវបានគេមើលឃើញថា ជាកិច្ចព្រមព្រៀងដ៏ធំបំផុតមួយនៅក្នុងអាណត្តិ របស់លោកប្រធានាធិបតីកូរ៉េខាងត្បូង Moon Jae-in ដែលលោករំពឹងទុកថា នឹងអាចនាំឲ្យកូរ៉េក្លាយទៅជាប្រទេស ដែលបញ្ចប់ការពឹងផ្អែកទាំងស្រុង ទៅលើវិស័យថាមពល ហ្វូស៊ីលឲ្យបានក្នុងឆ្នាំ២០៥០។
លោក Moon ដែលបានចូលរួមក្នុងពិធីបើក ការដ្ឋានសម្ភោធនៅក្នុងទីក្រុង Sinan ដែលត្រូវបានគេដឹងដែរថា នឹងក្លាយទៅជាកន្លែងដែល អាចផលិតថាមពលអគ្គិសនី បានរហូតទៅដល់ ៨,២ជីហ្គាវ៉ាត់នាពេលខាងមុខ៕
ប្រែសម្រួល៖ ស៊ុន លី
