ភ្នំពេញ ៖ គណៈកម្មាធិកាធិការជាតិរៀបចំការបោះឆ្នោត (គ.ជ.ប) បានជូនដំណឹងដល់គណបក្សនយោបាយ សមាគម អង្គការមិនមែនរដ្ឋាភិបាលជាតិ-អន្តរជាតិ និងប្រជាពលរដ្ឋទូទាំងប្រទេស ឲ្យដឹងថា ការបោះឆ្នោតជ្រើសរើសក្រុមប្រឹក្សា ឃុំ-សង្កាត់ អាណត្តិ ទី៥ នឹងប្រព្រឹត្តធ្វើឡើង នៅថ្ងៃទី៥ ខែមិថុនា ឆ្នាំ២០២២ខាងមុខនេះ ។
ក្នុងសេចក្ដីជូនដំណឹងរបស់ គ. ជ.ប. នៅថ្ងៃទី១៦ ខែមីនា ឆ្នាំ២០២១ បានបញ្ជាក់ថា “សូមគណបក្សនយោបាយ សមាគម អង្គការមិនមែនរដ្ឋាភិបាលជាតិ-អន្តរជាតិ និងប្រជាពលរដ្ឋទូទាំងប្រទេស ជ្រាបជាព័ត៌មាន និងសហការជំរុញឲ្យដំណេីរការបោះឆ្នោតជ្រើសរើសក្រុមប្រឹក្សា ឃុំ-សង្កាត់ អាណត្តិ ទី៥ សម្រេចបានជោគជ័យ”៕
