ប៉ារីស៖ វិស្វករបារាំង-លីបង់ម្នាក់ ត្រូវបានជ្រើសរើសជាអគ្គលេខាធិការ នៃសម្ព័ន្ធភាពស្វ័យប្រវត្តិកម្ម រថយន្តម៉ាក Renault-Nissan-Mitsubishi នេះជាផ្នែកមួយនៃក្របខ័ណ្ឌ អាជីវកម្មថ្មីដែលបានប្រកាសមួយឆ្នាំ បន្ទាប់ពីអតីតប្រធាន Carlos Ghosn ត្រូវបានចាប់ខ្លួន យោងតាមការចេញផ្សាយ ពីគេហទំព័រជប៉ុនធូដេ។
តាមរបាយការណ៍ នៅក្នុងកាសែតបារាំង Le Figaro បានឲ្យដឹងថា លោក Hadi Zablit អាយុ ៤៩ ឆ្នាំនឹងត្រួតពិនិត្យគម្រោងសហប្រតិបត្តិការ ឧស្សាហកម្មដើម្បីបង្កើនប្រសិទ្ធភាព និងលទ្ធផលហិរញ្ញវត្ថុនៃ ភាពជាដៃគូ។ ការកែសម្រួលប្រតិបត្ដិការនេះ មានគោលបំណងសម្គាល់ការ ចាប់ផ្តើមថ្មីសម្រាប់អ្នកទាំង៣ នៅពេលពួកគេប្រយុទ្ធ ដើម្បីចេញពីស្រមោល ត្រូវបានឃុំឃាំងដោយ បញ្ហាផ្លូវច្បាប់របស់ Ghosn ត្រូវបានឃុំខ្លួនកាលពីខែវិច្ឆិកាកន្លងមក លើការចោទប្រកាន់ពី បទមិនត្រឹមត្រូវខាងហិរញ្ញវត្ថុ។
បច្ចុប្បន្នលោក Zablit គឺជាប្រធានអភិវឌ្ឍន៍អាជីវកម្ម សម្រាប់សម្ព័ន្ធភាពរថយន្តបារាំង – ជប៉ុនដែលបានលក់រថយន្តចំនួន ១០,៦លានគ្រឿង នៅទូទាំងពិភពលោកក្នុងឆ្នាំ២០១៧ ។ លោកបានចាកចេញទៅ ធ្វើការនៅក្រុមប្រឹក្សាបូស្តុន នៅឆ្នាំ២០០០ ហើយបានវិលត្រឡប់ទៅរក រថយន្តយក្សរបស់បារាំងវិញកាលពីជិត ៣ឆ្នាំមុន។
ការចាប់ខ្លួនភ្លាមៗរបស់លោក Ghosn នៅឯអាកាសយានដ្ឋានទីក្រុងតូក្យូ បានធ្វើឱ្យមានការភ្ញាក់ផ្អើលយ៉ាងខ្លាំង តាមរយៈពិភពជំនួញ។ នាយកប្រតិបត្តិដែលមាន ដើមកំណើតប្រេស៊ីលអាយុ ៦៥ ឆ្នាំដែលជាឧកញ៉ាល្បីឈ្មោះ និងមានកេរ្តិ៍ឈ្មោះម្នាក់នៅលើពិភពលោក ឥឡូវបាននៅក្រៅឃុំបន្ទាប់ពី ១៣០ថ្ងៃនៅក្នុងមណ្ឌលឃុំឃាំងជប៉ុន ៕
ដោយ៖ លី ភីលីព
