កំពង់ចាម ៖ អភិបាលខេត្តកំពង់ចាម និងជាប្រធានគណៈកម្មការ ខេត្តប្រយុទ្ធប្រឆាំង ជំងឺកូវីដ១៩ លោក អ៊ុន ចាន់ដា នៅព្រឹកថ្ងៃទី ២៧ ខែកក្កដា ឆ្នាំ២០២១នេះ បានបន្តទទួលសម្ភារៈបរិក្ខាពេទ្យ ពីសប្បុរសជន ក្នុងគោលបំណងចូលរួម ដើម្បីប្រយុទ្ធប្រឆាំង ជំងឺកូវីដ១៩ ។
អំណោយដែលសប្បុរសជន បានប្រគល់ជូនរដ្ឋបាលខេត្ត មានដូចជា ឧបករណ៍តេស្តរហ័សចំនួន ១២៥០ ឈុត និងថ្នាំពេទ្យចំនួន ៨០០ ប្រអប់។
ស្ថិតក្នុងឱកាសនោះដែរ លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្ត ប្រយុទ្ធប្រឆាំង ជំងឺកូវីដ១៩ សូមថ្លែងអំណរគុណ យ៉ាងជ្រាលជ្រៅ ដល់សប្បុរសជនទាំងអស់ ដែលបានផ្ដល់អំណោយដ៏ថ្លៃថ្លា ឲ្យមកគណៈកម្មការ ប្រយុទ្ធប្រឆាំងជំងឺកូវីដ១៩ ខេត្តកំពង់ចាម នាពេលនេះ ពិតជាមានសារៈសំខាន់ ស្របពេលដែលខេត្ដ កំពុងមមាញឹកក្នុងយុទ្ធនាការ ប្រយុទ្ធប្រឆាំង និង ជំងឺកូវីដ-១៩ ដ៏កាចសាហាវនេះ។
