ភ្នំពេញ ៖ ជនសង្ស័យពីរនាក់ ត្រូវបានកម្លាំង នគរបាលខណ្ឌ បឹងកេងកង ឃាត់ខ្លួន កាលពីវេលា៨និង៣០នាទីយប់ថ្ងៃទី១៨ ខែធ្នូ ឆ្នាំ២០១៩នៅចំណុចមុខ ផ្ទះលេខ១១៩ ផ្លូវ៣០៤ ក្រុម១៨ ភូមិ០៣ សង្កាត់បឹងកេងកង២ ខណ្ឌបឹងកេងកង ។
នគរបាលមូលដ្ឋាន បានឲ្យដឹងថា ជនសង្ស័យទាំងពីរនាក់ មានឈ្មោះ ហេង ចន្ទម៉ាប់ ភេទប្រុស អាយុ១៧ឆ្នាំ ជនជាតិខ្មែរស្នាក់នៅ ផ្ទះជួលលេខ០៧ ផ្លូវ៣៧១ សង្កាត់បឹងទំពុន២ ខណ្ឌមានជ័យ មុខរបរកម្មកររត់តុ (អ្នកបើកម៉ូតូ)
ឈ្មោះសុខ ចំរើន ភេទប្រុស អាយុ១៧ឆ្នាំ ជនជាតិខ្មែរ ស្នាក់សំណង់មិនរៀបរយ ក្នុងវត្តព្រយូរវង្ស សង្កាត់ទន្លេបាសាក់ ខណ្ឌចំការមន មុខរបរគ្មាន(អ្នកឆក់) ចំណែកជនរងគ្រោះ ឈ្មោះSUMMER IQBAL ភេទប្រុស អាយុ៣៧ឆ្នាំ ជនជាតិប៉ាគីស្ថាន ស្នាក់នៅផ្ទះ១២៥អា ផ្លូវ១១៣ ក្រុម៤ ភូមិ០៥ សង្កាត់បឹងកេងកង២ ខណ្ឌបឹងកេងកង មុខរបរពាណិជ្ជករ
។
ក្រោយកើតហេតុ សមត្ថកិច្ចបានដកហូតវត្ថុតាង រួមមានម៉ូតូ០១គ្រឿង ម៉ាកហុងដាសេ១២៥ ពណ៌ខ្មៅ ស៊េរី២០១៥ ពាក់ស្លាកលេខ ភ្នំពេញ1CX5597 និងទូរសព្ឌដៃ មួយគ្រឿង ម៉ាកIphon 7plus ពណ៌ខ្មៅ ប្រគល់អោយជនរងគ្រោះវិញ។
បច្ចុប្បន្នជនសង្ស័យទាំងពីរនាក់ ត្រូវឃុំខ្លួនបណ្តោះអាសន្ន នៅអធិការដ្ឋាននគរបាលខណ្ឌបឹងកេងកង ដើម្បីកសាងសំណុំរឿងបញ្ជូនទៅកាន់តុលាការចាត់ការបន្ត ៕
