ម៉ានីល ៖ ក្រសួងសុខាភិបាលហ្វីលីពីន នៅថ្ងៃសុក្រនេះ បានរាយការណ៍ពីការឆ្លងថ្មីនៃកូវីដ -១៩ ចំនួន ១០,៦៧០ករណី ដែលជំរុញឱ្យចំនួនករណីឆ្លង ដែលបានបញ្ជាក់ នៅក្នុងប្រទេស អាស៊ីអាគ្នេយ៍មួយនេះ ឡើងដល់ ២,៦៤៣,៤៩៤ករណី ។
ក្រសួងសុខាភិបាល ក៏បានរាយការណ៍ផងដែរថា មនុស្សចំនួន ២៩៥ នាក់ទៀត បានស្លាប់ ដោយសារជំងឺកូវីដ-១៩ ដែលធ្វើឱ្យចំនួន អ្នកស្លាប់ របស់ប្រទេសនេះ កើនឡើងដល់ ៣៩,២៣២ នាក់ នេះបើយោងតាមការ ចុះផ្សាយ របស់ទីភ្នាក់ងារ សារព័ត៌មានចិនស៊ិនហួ។
ប្រភពពី DOH បានបន្ថែមថា មានមនុស្សស្លាប់ចំនួន ១០៤ នាក់ត្រូវបានកត់ត្រា ក្នុងរយៈពេលពីរថ្ងៃចុងក្រោយនេះ បន្ទាប់ពីទីភ្នាក់ងារនេះ បានរាយការណ៍ថា គ្មានអ្នកស្លាប់ដោយសារ“ បញ្ហាបច្ចេកទេស” ។
អនុរដ្ឋលេខាធិការ ក្រសួង សុខាភិបាល បានលើកឡើងថា ចំនួនករណីជំងឺកូវីដ -១៩ និងអត្រាវិជ្ជមាន នៅក្នុងប្រទេសកំពុងធ្លាក់ ចុះបន្ទាប់ពីការឆ្លងចាប់តាំងពីដើមខែកញ្ញា ។ លោកស្រីបានប្រាប់សន្និសីទ សារព័ត៌មាន តាមអ៊ីនធឺណិតថា“ នោះគឺជាការចង្អុលបង្ហាញថា ករណីជំងឺកូវីដ-១៩ ពិតជាស្ថិតនៅក្នុង និន្នាការធ្លាក់ចុះ” ។
លោកស្រី Vergeire ក៏បានឲ្យដឹងផងដែរថា ការចូលមន្ទីរពេទ្យ ក៏មានការថយចុះបន្តិចម្តងៗ ដែរទោះបីជាមានមន្ទីរពេទ្យ ដែលមានអត្រាប្រើប្រាស់ខ្ពស់ នៃបន្ទប់ថែទាំ ដែលពឹងផ្អែកខ្លាំងក៏ដោយ។
ប្រទេសហ្វីលីពីនបានរាយការណ៍ ពីចំនួនសរុបប្រចាំថ្ងៃខ្ពស់បំផុត មិនធ្លាប់មានរបស់ខ្លួននៅថ្ងៃទី ១១ ខែកញ្ញា ដោយមាន ២៦,៣០៣ ករណី ។ ប្រទេស ដែលមានប្រជាជនប្រហែល ១១០ លាននាក់មួយនេះ បានធ្វើតេស្តលើមនុស្សជាង ២០ លាននាក់ចាប់តាំងពីការផ្ទុះឡើងនៅខែមករា ឆ្នាំ ២០២០ ៕
ដោយ ឈូក បូរ៉ា
