ភ្នំពេញ៖ លោក សយ សុភាព អគ្គនាយក មជ្ឈមណ្ឌលព័ត៌មានដើមអម្ពិល នៅថ្ងៃទី៣០ ខែ ធ្នូ ឆ្នាំ ២០១៩នេះ បានធ្វើសេចក្ដីថ្លែងអំណរគុណទៅកាន់ លោក ហោ ណាំបូរ៉ា ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋឥណ្ឌូនេស៊ី ដែលបានផ្ដល់សៀវភៅ ដ៏មានអត្ថន័យចំនួន២ក្បាល ក្រោមចំណងជើងថា ៉THE JOUNEY OF A DOWN-TO-EARTH DIPLOMAT៉ សម្រាប់សិក្សាស្រាវជ្រាវ។
លោក សយ សុភាព ប្ដេជ្ញាចិត្តថា នឹងខិតខំអានសៀវភៅខាងលើនេះ រហូតដល់ចប់ដើម្បីបានយល់ដឹង។ ជាងនេះទៅទៀត លោក សយ សុភាព ក៏បានស្នើទៅកាន់ លោក ហោ ណាំបូរ៉ា ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋឥណ្ឌូនេស៊ី សិក្សាពីលទ្ធភាពធ្វើយ៉ាងណា បកប្រែសៀវភៅខាងលើនេះ ជាភាសាខ្មែរ ដើម្បីឲ្យកូនខ្មែរងាយស្រួលក្នុងការអាន ឬសិក្សាស្រាវជ្រាវបន្ថែមទៀត។
ឆ្លៀតក្នុងឱកាសចូលឆ្នាំថ្មី ឆ្នាំសកលខាងមុខនេះ លោក សយ សុភាព សូមជូនពរ លោក ហោ ណាំបូរ៉ា ឯកអគ្គរាជទូតវិសាមញ្ញ និងពេញសមត្ថភាព នៃព្រះរាជាណាចក្រកម្ពុជា ប្រចាំសាធារណរដ្ឋឥណ្ឌូនេស៊ី និងក្រុមគ្រួសារ ឲ្យជោគជ័យគ្រប់ភារកិច្ច ជួបប្រទះតែសេចក្ដីសុខ សេចក្ដីចំរើន និងពុទ្ធពរទាំង៤ប្រការ គឺ អាយុ វណ្ណៈ សុខៈ ពលៈកុំបីឃ្លៀងឃ្លាតឡើយ៕
