សមត្ថកិច្ចឃាត់ខ្លួន បុរសបើកផាស អេប ដាក់ភ្លើង និងសរសេរអក្សរ “ប្រាថ្នាកុំឲ្យជួបស្រីក្បត់”

ភ្នំពេញ ៖ បុរសម្នាក់ដែលបានបើកបរ ផាស អេប ដាក់ភ្លើង និងសរសេរអក្សរមិនត្រឹមត្រូវ នៅលើផាស អេបខ្លួនមានន័យថា “ប្រាថ្នាកុំឲ្យជួបស្រីក្បត់” ត្រូវបានសមត្ថកិច្ច នៃប៉ុស្តិ៍នគរបាលរដ្ឋបាល សង្កាត់កាកាបទី២ ខណ្ឌពោធិ៍សែនជ័យ បានធ្វើការឃាត់ដើម្បីដកភ្លើង និងអក្សរចេញ ។

ក្នុងនោះ ក៏បានធ្វើការអប់រំណែនាំ និងធ្វើកិច្ចសន្យាបញ្ឈប់សកម្មភាពនេះផងដែរ ។

នេះបើតាមការចេញផ្សាយ របស់ស្នងការដ្ឋាន នគរបាលរាជធានីភ្នំពេញ នាថ្ងៃ៥ មករា ៕