ញ៉ូវយ៉ក៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី៨ ខែកុម្ភៈ ឆ្នាំ២០២២ ក្រុមហ៊ុន Pfizer បានឲ្យដឹងនៅថ្ងៃអង្គារនេះថា ខ្លួនរំពឹងថា ប្រាក់ចំណូល ៣២ពាន់លានដុល្លារ ពីវ៉ាក់សាំងកូវីដ-១៩នៅឆ្នាំ២០២២ ខណៈដែលក្រុមហ៊ុនបានរាយការណ៍ថា ប្រាក់ចំណេញប្រចាំឆ្នាំ បានកើនឡើងច្រើនទ្វេដង ដល់ទៅ២២ពាន់លានដុល្លារ ។
ក្រុមហ៊ុនផលិតឱសថយក្ស ដែលមានក្រុមហ៊ុនអាល្លឺម៉ង់ BioNTech បានទទួលការយល់ព្រមសម្រាប់ វ៉ាក់សាំងដំបូងដើម្បីទប់ទល់ នឹងមេរោគដ៏សាហាវនោះ បានឃើញប្រាក់ចំណូល ប្រចាំឆ្នាំជិតទ្វេដងដល់ ៨១,៣ពាន់លានដុល្លារអាមេរិក ជាមួយនឹងទឹកប្រាក់ ៣៦,៨ពាន់លានដុល្លារអាមេរិក ពីវ៉ាក់សាំងកូវីដ-១៩ ។
ក្រុមហ៊ុន Pfizer ក៏រំពឹងថា នឹងលក់ថ្នាំ Paxlovid ដែលជាថ្នាំរបស់ក្រុមហ៊ុនសម្រាប់កូវីដ-១៩ ដែលមានទឹកប្រាក់ ២២ពាន់លានដុល្លារ ក្នុងឆ្នាំ២០២២នេះ ។
លទ្ធផលចុងក្រោយបំផុត ដើម្បីបង្ហាញពីរបៀបដែល មេរោគបានផ្លាស់ប្តូរ Pfizer ដែលកាលពីមួយឆ្នាំមុនបាន ព្យាករណ៍ត្រឹមតែ ១៥ពាន់លានដុល្លារអាមេរិក ក្នុងការលក់វ៉ាក់សាំងកូវីដ-១៩ ក្នុងឆ្នាំ២០២១ ហើយបានបញ្ចប់ការលក់ ច្រើនជាង២ដងនៃចំនួននេះ បន្ទាប់ពីបានលើកការព្យាករណ៍ ម្តងហើយម្តងទៀត ។
លោក Albert Bourla នាយកប្រតិបត្តិ បានថ្លែងនៅក្នុងសេចក្តីថ្លែងការណ៍មួយថា អ្នកវិទ្យាសាស្ត្ររបស់ក្រុមហ៊ុន Pfizer “បន្តតាមដានមេរោគកូវីដ-១៩ ហើយជឿថា វាមិនទំនងដែលថា មេរោគនឹងត្រូវបានលុបបំបាត់ទាំងស្រុង នាពេលអនាគតដ៏ខ្លីខាងមុខ” ។
លោក Bourla បានថ្លែងថា “ដែលបានលើកឡើងថា ឥឡូវនេះយើងមានឧបករណ៍ នៅក្នុងទម្រង់នៃវ៉ាក់សាំង និងការព្យាបាល ដែលយើងជឿថា នឹងជួយឱ្យយើងមិនត្រឹមតែអាច គ្រប់គ្រងជំងឺរាតត្បាតបាន ប្រសើរជាងមុនប៉ុណ្ណោះទេ ថែមទាំងជួយឱ្យប្រទេសនានាផ្លាស់ទី ទៅដំណាក់កាលនៃជំងឺឆ្លងផងដែរ ៕
ប្រែសម្រួលដោយ៖ ម៉ៅ បុប្ផាមករា
