រុស្សី សម្រេចបិទអង្គការអន្តរជាតិ ជាច្រើនរូមមានទាំងក្រុមអ្នកឃ្លាំមើល សិទ្ធមនុស្សផង

បរទេស៖យោងតាមការចេញផ្សាយរបស់ rt.com កាលពីយប់ថ្ងៃសុក្រម្សិលមិញនេះ ប្រទេសរុស្សីបានចេញបញ្ជា ក្នុងការបិទតំណាងអង្គការមិនស្វែងរកប្រាក់ចំណូល របស់អន្តរជាតិជាច្រើនដែលមាន មូលដ្ឋាននៅក្នុងបណ្តាប្រទេស លោកខាងលិចហើយ ដោយចោទប្រកាន់ថាពួកគេបានប្រព្រឹត្តខុសទៅនឹង ច្បាប់របស់ប្រទេសរុស្សី។

ក្នុងចំណោមអង្គការអន្តរជាតិធំៗ ទាំងនោះមានដូចជាAmnesty International, Human Rights Watch, The Carnegie Foundation for International Peaceនិងអង្គការមួយចំនួនទៀត របស់ប្រទេសអាល្លឺម៉ង់និងប្រទេសប៉ូឡូញ។

សេចក្តីប្រកាសដែលត្រូវបានធ្វើឡើងដោយក្រសួងយុត្តិធម៍ នៃប្រទេសរុស្សីកាលពីថ្ងៃសុក្រម្សិលមិញនេះ និងបញ្ជាក់ថាសរុបអង្គការអន្តរជាតិចំនួន១៥ ដែលជាអង្គការតំណាងឲ្យអង្គការមានមូលដ្ឋានធំ នៅក្នុងប្រទេសអាមេរិកអង់គ្លេសអាល្លឺម៉ង់និងប៉ូឡូញផងដោយកំណត់ថា ពួកគេគឺជាក្រុមអង្គការដែលប្រព្រឹត្តខុសទៅនឹង គោលការណ៍ច្បាប់របស់ប្រទេសរុស្សី៕

ប្រែសម្រួល៖ស៊ុនលី