តាមទិន្នន័យ របស់ក្រសួងពាណិជ្ជកម្មចិន បង្ហាញថា បើធៀបនឹង១០ឆ្នាំមុន ចំនួនកិច្ចព្រមព្រៀង ពាណិជ្ជកម្មសេរី ដែលប្រទេសចិន បានចុះហត្ថលេខា បានកើនឡើងជិតទ្វេដង ហើយវិស័យគុណភាព មានចំណុចពិសេសថ្មីៗ ជាច្រើនផងដែរ ។
ចាប់តាំងពីឆ្នាំ ២០១២ មក ប្រទេសចិន បានចុះហត្ថលេខាលើកិច្ចព្រមព្រៀង ពាណិជ្ជកម្មសេរីថ្មីចំនួន ៩ ជាមួយបរទេស ហើយសមាមាត្រ នៃទំនិញ ដែលមានពន្ធសូន្យ តាមរយៈការចរចារភាគច្រើន បានលើសពីចំនួន៩០% ។ បើនិយាយពីប្រសិទ្ធភាព នៃការបោសសម្អាតគយវិញ ក្នុងឆ្នាំ ២០១៧ ពេលវេលា នៃការបោសសម្អាតគយ សរុបសម្រាប់ទំនិញ ដែលនាំចូលប្រទេសចិន គឺចំណាយ ពេលប្រហែល ៤ ថ្ងៃ ឥឡូវនេះវាចំណាយពេលតិច ជាងមួយថ្ងៃកន្លះ ។ រីឯនៅឆ្នាំ ២០១៧ ការបោសសម្អាតគយសរុប នៃទំនិញនាំចេញបានចំណាយ ពេលប្រហែល ១២ ម៉ោង ឥឡូវនេះវាចំណាយ ពេលត្រឹមតែ ១,២ ម៉ោងប៉ុណ្ណោះ ។
ក្នុងវិស័យពាណិជ្ជកម្ម សេវាកម្ម នៅពេលដែលបានចូលរួមជាសមាជិក នៃអង្គការពាណិជ្ជកម្មពិភពលោក ប្រទេសចិនបានសន្យាថា នឹងបើកចំហស្ថាប័នចំនួន ១០០ ។ នៅក្នុង កិច្ចព្រមព្រៀងRCEP ពោលគឺកិច្ចព្រមព្រៀងភាពជាដៃគូ សេដ្ឋកិច្ចគ្រប់ជ្រុងជ្រោយក្នុងតំបន់ ដែលចូលជាធរមាននៅដើមឆ្នាំ២០២២នេះ ប្រទេសចិនបានបន្ថែមការបើកចំហ ស្ថាប័នចំនួន២២ទៀត ៕
