បរទេស៖ រដ្ឋមន្ត្រីការបរទេសអ៊ីរ៉ង់ លោក តាមសេចក្តីរាយការណ៍ បានមានប្រសាសន៍នៅថ្ងៃចន្ទនេះថា ប្រសិនបើពាក្យបណ្ដឹង ស្តីពីនុយក្លេអ៊ែ របស់ប្រទេសអ៊ីរ៉ង់ ត្រូវបានគេបញ្ជូនទៅក្រុម ប្រឹក្សាសន្តិសុខអង្គការសហប្រជាជាតិនោះ អ៊ីរ៉ង់នឹងដកខ្លួនចេញពីកិច្ចព្រមព្រៀងមិនសាយភាយអាវុធ NPT។
យោងតាមប្រភពព័ត៌មាន ពីទីភ្នាក់ងារសារព័ត៌មាន ផ្លូវការរបស់ប្រទេសអ៊ីរ៉ង់ ឈ្មោះ IRNA បានឲ្យដឹងថា លោក Mohammad Javad Zarif ត្រូវបានគេដកស្រង់សម្តីយ៉ាងដូច្នេះថា “ប្រសិនបើអឺរ៉ុប នៅតែបន្តអាកប្បកិរិយាមិនសមរម្យរបស់ពួកគេ ឬក៏បញ្ជូនពាក្យបណ្ដឹងប្តឹងអ៊ីរ៉ង់ ទៅក្រុមប្រឹក្សាសន្តិសុខនោះយើងនឹងដកខ្លួនចេញពីកិច្ចព្រមព្រៀង NPT”។
គួរបញ្ជាក់ថា សន្ធិសញ្ញាស្តីពីការមិនរីកសាយភាយអាវុធនុយក្លេអ៊ែ ដែលជាទូទៅគេស្គាល់ថា សន្ធិសញ្ញាមិនរីកសាយភាយអាវុធ ហៅកាត់ថា NPT នោះ គឺជាសន្ធិសញ្ញាអន្តរជាតិមួយ ដែលមានគោលបំណងទប់ស្កាត់ការរីកសាយអាវុធនុយក្លេអ៊ែ និងបច្ចេកវិទ្យាអាវុធ ដើម្បីលើកម្ពស់សហប្រតិបត្តិការ ក្នុងដំណើរប្រើប្រាស់ថាមពលនុយក្លេអ៊ែដោយសន្តិភាព៕
ប្រែសម្រួល៖ ប៉ាង កុង
