សេអ៊ូល៖ ទិន្នន័យបានបង្ហាញ នៅថ្ងៃអង្គារនេះថា ការនាំចេញរបស់ប្រទេសកូរ៉េខាងត្បូង បានធ្លាក់ចុះ ០,២ ភាគរយក្នុងរយៈពេល ២០ ថ្ងៃដំបូងនៃខែមករា ដែលជាអត្រាធ្លាក់ចុះទាបបំផុតក្នុងមួយឆ្នាំ ដោយសារតែការនាំចេញ គ្រឿងអេឡិចត្រូនិចនៅក្រៅប្រទេស បានស្ទុះងើបឡើងវិញ។
យោងតាមសេវាកម្មគយកូរ៉េ បានឱ្យដឹងថា ការនាំចេញរបស់ប្រទេសនេះ មានចំនួន ២៥,៧ ពាន់លានដុល្លារ ក្នុងរយៈពេលពីថ្ងៃទី០១ ដល់ ២០ ខែមករា ពោលគឺធ្លាក់ចុះ ៤០ លានដុល្លារ បើប្រៀបធៀបទៅនឹង រយៈពេលដូចគ្នាកាលពីឆ្នាំមុន។
យោងតាមទិន្នន័យបានបង្ហាញថា អត្រានៃការធ្លាក់ចុះ គឺតិចជាងការធ្លាក់ចុះ ២ ភាគរយ ក្នុងរយៈពេលពីថ្ងៃទី០១ ដល់ ២០ ខែធ្នូ ឆ្នាំកន្លងទៅ។ តាមរយៈផលិតផលការនាំចេញអេឡិចត្រូនិច និងឥន្ធនៈគីមីបានកើនឡើង ៨,៧ ភាគរយនិង ១៩,៣ ភាគរយរៀងៗខ្លួន៕ ដោយ៖ ឈូក បូរ៉ា
