វ៉ាស៊ីនតោន៖ បេសកជនពិសេស របស់សហរដ្ឋអាមេរិក សម្រាប់ប្រទេសអ៊ីរ៉ង់ លោក Robert Malley បានឲ្យដឹងថា ទីក្រុងវ៉ាស៊ីនតោន មិនបានចរចាអំពីផែនការដើម្បីផ្លាស់ប្តូរ “ការឧស្សាហ៍ព្យាយាម” ឬស្តង់ដារអនុលោមតាមទណ្ឌកម្មផ្សេងទៀត ដែលជាផ្នែកមួយនៃការរស់ឡើងវិញនៃកិច្ចព្រមព្រៀង ដើម្បីទប់ស្កាត់កម្មវិធីនុយក្លេអ៊ែរ របស់ទីក្រុងតេអេរ៉ង់នោះទេ។
លោក Malley បានឲ្យដឹងនៅលើសារមួយថា “យើងមិនបានចូលរួមក្នុងការចរចាណាមួយ អំពីការផ្លាស់ប្តូរការឧស្សាហ៍ព្យាយាម ដឹងពីអតិថិជនរបស់អ្នក ឬស្តង់ដារការអនុលោមតាមទណ្ឌកម្មរបស់សហរដ្ឋអាមេរិកផ្សេងទៀត សម្រាប់ទណ្ឌកម្មដែលនឹងនៅតែស្ថិត ក្រោមការវិលត្រឡប់ទៅវិញទៅមក ចំពោះការអនុវត្ត JCPOA ពេញលេញនោះទេ” ។
លោកបានអះអាងថា “រាល់របាយការណ៍ដែលផ្ទុយពីនេះ គឺខុសទាំងស្រុង”។ លោក Malley មិនបាននិយាយច្បាស់លាស់អំពីអ្វីដែលការអត្ថាធិប្បាយ របស់លោកសំដៅទៅលើនោះទេ។
ទោះយ៉ាងណាក៏ដោយប៉ុន្មានម៉ោងមុននេះ របាយការណ៍ Politico បានឲ្យដឹងថា សំណើព្រាងរបស់អឺរ៉ុប សម្រាប់ការរស់ឡើងវិញនៃកិច្ចព្រមព្រៀង នុយក្លេអ៊ែរនឹងកាត់បន្ថយការដាក់ទណ្ឌកម្មរបស់អាមេរិក លើកងឆ្មាំបដិវត្តន៍អ៊ីស្លាមអ៊ីរ៉ង់។
មុនពេលអត្ថបទ Politico ត្រូវបានបោះពុម្ពផ្សាយ ប្រព័ន្ធផ្សព្វផ្សាយរដ្ឋអ៊ីរ៉ង់ និងមន្ត្រីក៏បានឲ្យដឹងផងដែរថា ការពិភាក្សាកំពុងបន្តលើការដាក់ទណ្ឌកម្ម IRGC និងថាតើពួកគេនឹងត្រូវដកចេញ ជាផ្នែកនៃកិច្ចព្រមព្រៀងដែរឬទេ៕
ប្រែសម្រួល ឈូក បូរ៉ា
