ប៉េកាំង៖ អ្នកនាំពាក្យយោធាចិនបានឲ្យដឹងថា ដំណើរទស្សនកិច្ចរបស់ សមាជិកសភាអាមេរិក រួមទាំងព្រឹទ្ធសមាជិកលោក Ed Markey ទៅកាន់តំបន់តៃវ៉ាន់ របស់ប្រទេសចិន ដែលចាប់ផ្តើមពីថ្ងៃអាទិត្យបង្ហាញពី មុខមាត់ពិតរបស់សហរដ្ឋអាមេរិកថា ជាអ្នកបំផ្លាញសន្តិភាព និងស្ថិរភាពនៅទូទាំងច្រកសមុទ្រតៃវ៉ាន់។
ដំណើរ ទស្សនកិច្ច នេះ ជា ការ បំពាន យ៉ាង ខ្លាំង លើ គោលការណ៍ ចិន តែ មួយ និង បទប្បញ្ញត្តិ ទាំង ៣ នៃសេចក្តីថ្លែងការណ៍រួមចិន-អាមេរិក រំលោភលើអធិបតេយ្យភាព និងបូរណភាពទឹកដីរបស់ចិន និងបញ្ជូនសញ្ញាខុស ទៅកាន់កងកម្លាំងផ្តាច់ខ្លួន “ឯករាជ្យតៃវ៉ាន់” នេះបើយោងតាម Wu Qian អ្នកនាំពាក្យក្រសួងការពារជាតិចិន។
លោក Wu បានលើកឡើងថា ការល្បាតត្រៀមប្រយុទ្ធរួមគ្នា ពហុអង្គភាពរបស់បញ្ជាការដ្ឋាន រោងមហោស្រពភាគខាងកើត នៃកងទ័ពរំដោះប្រជាជនចិន (PLA) និងសមយុទ្ធប្រយុទ្ធពិតប្រាកដនៅក្នុងដែនទឹក និងដែនអាកាសជុំវិញកោះតៃវ៉ាន់ គឺជាវិធានការប្រឆាំងយ៉ាងម៉ឺងម៉ាត់ និងការរារាំងយ៉ាងម៉ឺងម៉ាត់ ចំពោះការញុះញង់នៃ ការឃុបឃិតរវាងអាមេរិក និងតៃវ៉ាន់។
ដោយសង្កត់ធ្ងន់ថា កោះតៃវ៉ាន់ ជាតៃវ៉ាន់របស់ចិន ហើយសំណួរតៃវ៉ាន់ មិនអនុញ្ញាតឱ្យមានការជ្រៀតជ្រែកពីខាងក្រៅ លោក Wu បានព្រមានភាគីអាមេរិក និងអាជ្ញាធរនៃគណបក្សជឿនលឿន ប្រជាធិបតេយ្យរបស់តៃវ៉ាន់ថា “ការប្រើប្រាស់តៃវ៉ាន់ ដើម្បីទប់ចិន” គឺនឹងត្រូវបរាជ័យ ហើយ “ការស្វែងរកការគាំទ្រពីសហរដ្ឋអាមេរិក ដើម្បីស្វែងរកឯករាជ្យ” នឹងនាំទៅរកការបំផ្លាញខ្លួនឯង។
លោកបន្ថែមថា “ការប៉ុនប៉ង និងសកម្មភាពណាមួយ ដែលផ្ទុយនឹងនិន្នាការនៃប្រវត្តិសាស្ត្រ ដើរផ្ទុយនឹងឆន្ទៈរបស់ប្រជាជនចិនទាំងអស់ ហើយស្វែងរកការបញ្ឈប់ដំណើរការ បង្រួបបង្រួមរបស់ប្រទេសចិន នៅទីបំផុតនឹងបញ្ចប់ដោយបរាជ័យ”។
លោក Wu បានអះអាងថា PLA របស់ចិន នឹងបន្តពង្រឹងការហ្វឹកហ្វឺន និងការត្រៀមប្រយុទ្ធរបស់ខ្លួន ការពារយ៉ាងម៉ឺងម៉ាត់នូវអធិបតេយ្យភាពជាតិ និងបូរណភាពទឹកដី និងរារាំងរាល់ការប៉ុនប៉ង ដើម្បីឯករាជ្យភាពតៃវ៉ាន់ និងការជ្រៀតជ្រែកពីខាងក្រៅ ៕
ប្រែសម្រួល ឈូក បូរ៉ា
