បរទេស៖ គ្រប់ក្រសែភ្នែកនឹងបាញ់ ឆ្ពោះទៅតុលាការធម្មនុញ្ញ ខណៈដែលតុលាការរៀបចំ ដើម្បីសម្រេចនៅថ្ងៃចាប់ផ្តើម នៃការកាន់តំណែងជានាយករដ្ឋមន្ត្រី របស់ឧត្តមសេនីយ៍ ប្រាយុទ្ធ ចាន់ អូចា នៅថ្ងៃសុក្រនេះ ដោយមានអ្នកសិក្សានិយាយថា ការផ្លាស់ប្តូរទំនងជានឹងកើតឡើងនៅក្នុង ទិដ្ឋភាពនយោបាយរបស់ប្រទេសថៃ ដោយមិនគិតពីការសម្រេចចិត្តនោះទេ។
យោងតាមសារព័ត៌មានថៃ បាងកកប៉ុស្តិ៍ ចេញផ្សាយនៅថ្ងៃទី៣០ ខែកញ្ញា ឆ្នាំ២០២២ បានឱ្យដឹងថា ប្រសិនបើតុលាការកាត់ក្តីឱ្យ នាយករដ្ឋមន្ត្រីស្ថិតនៅក្នុងជម្លោះនោះ ឧត្តមសេនីយ៍ប្រាយុទ្ធនឹងអាចនៅបន្តបាន ទោះបីជាស្ថិតក្នុងភាពរង្គោះរង្គើក៏ដោយ ខណៈអ្នករិះគន់របស់គាត់នឹង បន្តប្រជែងអំណាចរបស់គាត់។
ប៉ុន្តែប្រសិនបើតុលាការ កាត់ទោសលោកឧត្តមសេនីយ៍ ប្រាយុទ្ធ , នោះលោកនឹងត្រូវចុះចេញពីតំណែង ហើយនាយករដ្ឋមន្ត្រីថ្មីនឹងត្រូវជ្រើសរើស។ នៅថ្ងៃទី ២៤ ខែសីហា តុលាការបានបោះឆ្នោតដោយសំឡេង ៥ ទល់នឹង៤ ដើម្បីព្យួរឧត្តមសេនីយ៍ ប្រាយុទ្ធ ចាន់អូចា ពីតំណែងនាយករដ្ឋមន្ត្រី រហូតដល់តុលាការឈានដល់ ការសម្រេចចិត្តលើការកំណត់អាណត្តិ របស់នាយករដ្ឋមន្ត្រីលោក។
យ៉ាងណាក៏ដោយ តុលាការបានអនុញ្ញាតឲ្យ លោករក្សាតំណែងជា រដ្ឋមន្ត្រីការពារជាតិដដែល ៕
ប្រែសម្រួលៈ ណៃ តុលា
