បរទេស ៖ តាមរយៈសំឡេង ភាគច្រើន មហាសន្និបាតអង្គការ សហប្រជាជាតិ បានអនុម័តដំណោះស្រាយ ដែលតម្រូវឱ្យប្រទេសរុស្ស៊ី ទូទាត់សងការខាតបង់ ដែលបានបង្កឡើងលើប្រទេស អ៊ុយក្រែន ក្នុងអំឡុងពេលជម្លោះ ហើយបានទទួលស្គាល់ពីតម្រូវការក្នុងការបង្កើត “យន្តការអន្តរជាតិ” ពិសេសមួយ ដែលអនុញ្ញាតឱ្យធ្វើដូច្នេះបាន ។
យោងតាមសារព័ត៌មាន RT ចេញផ្សាយនៅថ្ងៃទី១៤ ខែវិច្ឆិកា ឆ្នាំ២០២២ បានឱ្យដឹងថា ដំណោះស្រាយនេះត្រូវបានគាំទ្រដោយប្រទេសចំនួន ៩៤ នៅក្នុងការបោះឆ្នោត របស់ស្ថាប័នពិភពលោក ដែលមានសមាជិកចំនួន ១៩៣ កាលពីថ្ងៃចន្ទ ។ រដ្ឋចំនួន ៧៣ទៀតបានអនុប្បវាទ ខណៈដែលប្រទេសចំនួន ១៤ បានបោះឆ្នោតប្រឆាំង។ ក្នុងចំណោមអ្នកដែលបោះឆ្នោតប្រឆាំង នឹងដំណោះស្រាយនោះរួម មានរុស្ស៊ីខ្លួនឯង ព្រមទាំងចិន អ៊ីរ៉ង់ និងស៊ីរី ។
អង្គការសហប្រជាជាតិបានសម្រេចថា “យន្តការអន្តរជាតិសម្រាប់សំណងសម្រាប់ការខូចខាត ការបាត់បង់ ឬរបួស” ដែលកើតចេញពី “អំពើខុសឆ្គង” របស់រុស្ស៊ីនៅអ៊ុយក្រែន ចាំបាច់ត្រូវបង្កើតឡើង។ សមាជិកនៃសភាគួរតែបង្កើត “ការចុះឈ្មោះអន្តរជាតិ” ដែលនឹងរួមបញ្ចូល ការទាមទារ ឬទិន្នន័យទាក់ទង នឹងការខូចខាត ការបាត់បង់ និងការរងរបួសដល់អ៊ុយក្រែន ដែលបង្កឡើងដោយប្រទេសរុស្ស៊ី ។
តំណាងអចិន្ត្រៃយ៍ របស់រុស្ស៊ីប្រចាំអង្គការសហប្រជាជាតិ លោក Vassily Nebenzia ដែលនិយាយអំពីប្រធានបទនៃដំណោះស្រាយនោះ បានហៅវាថាជាឯកសារ មិនសំខាន់ស្របច្បាប់។ លោក Nebenzia បាននិយាយថា “ក្នុងពេលជាមួយគ្នានេះ សហអ្នកនិពន្ធមិនអាចជួយអ្វីបានឡើយ ប៉ុន្តែត្រូវដឹងថា ការអនុម័តដំណោះស្រាយ បែបនេះនឹងនាំមកនូវផលវិបាក ដែលអាចត្រឡប់មកវិញ” ។
លោកបានបន្ថែមថា ដំណោះស្រាយនេះ គឺមានបំណងធ្វើឲ្យស្របច្បាប់ចំពោះការរឹបអូសទ្រព្យសម្បត្តិរុស្ស៊ីដែលធ្លាប់បង្កកដោយប្រទេសលោកខាងលិច៕
ប្រែសម្រួលៈ ណៃ តុលា
