ញូដេលី៖ ប្រទេសឥណ្ឌា កាលពីថ្ងៃសុក្រ បានហាមឃាត់ការនាំចេញ ម៉ាស់ ឬរបាំងការពារខ្យល់ដង្ហើមគ្រប់ប្រភេទ ដោយមើលឃើញពីការភ័យខ្លាច នៃមេរោគឆ្លងបណ្តាលមកពីវីរុស កូរ៉ូណាវីរុស នៅប្រទេសចិន ដែលបានបណ្តាលឱ្យមនុស្សស្លាប់ កើនដល់ ២៥៩នាក់។
យោងតាមសារព័ត៌មាន Sputnik ចេញផ្សាយកាលពីថ្ងៃទី៣១ ខែមករា ឆ្នាំ២០២០ បានឱ្យដឹងថា បញ្ជីនៃធាតុហាមឃាត់រួមមាន សំលៀកបំពាក់ និងម៉ាស់ប្រភេទ N95 ដែលសមនឹងមុខ និងត្រូវបានបង្កើតឡើង ដើម្បីច្រោះយកភាគល្អិតតូចៗចេញពីខ្យល់។
ក្រសួងពាណិជ្ជកម្ម និង ឧស្សាហកម្មឥណ្ឌា នៅក្នុងសេចក្តីជូនដំណឹងមួយ ដែលមានចំណងជើងថា “ ការធ្វើវិសោធនកម្ម គោលនយោបាយនាំចេញ ឧបករណ៍ការពារផ្ទាល់ខ្លួន / របាំង” បានបញ្ជាក់ថា “ ការនាំចេញគ្រប់ប្រភេទ នៃឧបករណ៍ការពារផ្ទាល់ខ្លួន រួមមានសម្លៀកបំពាក់ និងរបាំងមុខ ដែលត្រូវបានប្រើ ដើម្បីការពារអ្នកពាក់ ពីភាគល្អិតនៃខ្យល់ / ឬណាមួយ របាំងការពារដង្ហើម ឬសម្លៀកបំពាក់ ការពារផ្ទាល់ខ្លួនណាមួយផ្សេងទៀត ដែលរួមមាន ម៉ាស់ (ថ្នាក់ទី ២, ៣ / ៤) និងម៉ាស់លេខ ៩៩ ត្រូវបានហាមឃាត់មិនឱ្យនាំចេញ ដោយបម្រាមនេះ នឹងមានប្រសិទ្ធភាពភ្លាមៗ រហូតដល់មានការបញ្ជាទិញបន្ថែមទៀត។
ប្រភពបានប្រាប់សារព័ត៌មាន Sputnik ថា ការសម្រេចចិត្តរបស់រដ្ឋាភិបាលឥណ្ឌានេះ បានកើតឡើងប៉ុន្មានម៉ោង បន្ទាប់ពីអាកាសយានដ្ឋានចិនមួយចំនួន កំពុងស្នើសុំម៉ាស់ ហើយមនុស្សប្រមាណ ៦០.០០០ នាក់ត្រូវបានបញ្ជូន មកពីប្រទេសឥណ្ឌាកាលពីថ្ងៃសុក្រ។
ដោយសារតំរូវការម៉ាស់លេខ N95 បាននិងកំពុងកើនឡើង នៅក្នុងផ្ទុះឡើងនៃវីរុសនេះ ក្រុមហ៊ុនផលិតចិន បានចាប់ផ្តើមស្វែងរកអ្នកផ្គត់ផ្គង់ នៅក្រៅប្រទេស ប៉ុន្តែអ្នកផ្គត់ផ្គង់និងអ្នកនាំចេញម៉ាស N95 របស់ឥណ្ឌា ត្រូវបានគេនិយាយថា អស់ស្តុកហើយ។
សូមជម្រាបថា ឥណ្ឌាជាអ្នកនាំចូលម៉ាស់ការពារខ្យល់ដ៏សំខាន់ និងទីផ្សារក្នុងស្រុកដែលមានតម្លៃ ៥៨ លានដុល្លារក្នុងឆ្នាំ ២០១៧ ត្រូវបានគេប៉ាន់ស្មានថា នឹងឈានដល់ ៩៥ លានដុល្លារនៅឆ្នាំ ២០២៥ នេះបើយោងតាមការស្រាវជ្រាវទីផ្សារ Allied៕ ប្រែសម្រួលៈ ណៃ តុលា
