បរទេស៖ ព្រះអង្គម្ចាស់ Mohammed bin Salman កាលពីថ្ងៃសុក្រម្សិលមិញនេះ បានមានព្រះបន្ទូលថា ប្រទេសចិននិងប្រទេសអារ៉ាប៊ីសាអូឌីត បានពិភាក្សាគ្នាយ៉ាងស៊ីជម្រៅ ក្នុងការបង្កើតបានទៅជា តំបន់ពាណិជ្ជកម្មសេរីមួយ រវាងរដ្ឋាភិបាលទីក្រុងប៉េកាំង ជាមួយនឹងបណ្តាប្រទេស នៅឈូងសមុទ្រ Gulf ។
ព្រះអង្គម្ចាស់បានបន្ថែមទៀតថា៖ ពួកយើងបានពិភាក្សាគ្នារួចរាល់ហើយ អំពីគំនិតនៃការបង្កើតតំបន់ពាណិជ្ជកម្មសេរី រវាងចិននិងបណ្តាប្រទេស នៅឈូងសមុទ្រ Gulf ហើយព្រមទាំងចូលរួមសហការគ្នា ក្នុងការដោះស្រាយបញ្ហារួមដូចជា បញ្ហាអាហារនិងសន្តិសុខអាហារផងដែរ ព្រមទាំងពិនិត្យនិងស្វែងរកលទ្ធភាព ក្នុងការសហការបន្ថែមទៀត ជាមួយនឹងចិនទៅលើវិស័យកាន់តែច្រើន ពាក់ព័ន្ធសង្វាក់ផលិតកម្ម។
គួរឲ្យដឹងដែរថា ប្រធានាធិបតីចិនលោក Xi Jinping បានធ្វើដំណើរមកដល់ទៅ រដ្ឋធាទីរបស់ប្រទេសអារ៉ាប៊ីសាអូឌីត តាំងតែពីថ្ងៃពុធដើម្បីបំពេញទស្សនកិច្ច និងពិភាក្សាជាមួយនឹង ព្រះមហាក្សត្រព្រះអង្គ Salma bin Abdulaziz Al Saud ផងនិងបន្ត
ទៅជួបពិភាក្សាជាមួយនឹង ប្រធានាធិបតីអេហ្ស៊ីបផងហើយ ព្រមទាំងនឹងត្រូវចូលរួមកិច្ចប្រជុំ Sino-Arab ដែលនឹងមានការចូលរួមពីសំណាក់ មេដឹកនាំអារ៉ាប់ដល់ទៅ ៣០ប្រទេសព្រមទាំងអង្គការអន្តរជាតិ តូចធំជាច្រើនផ្សេងទៀតផងដែរ ៕
ប្រែសម្រួល៖ ស៊ុន លី
