បរទេស ៖ ប្រទេស អ៊ីរ៉ង់ បានប្រហារជីវិតជនជាតិអង់គ្លេស ដើមកំណើត-អ៊ីរ៉ង់ និងជាអតីតមន្ត្រីសន្តិសុខជាន់ខ្ពស់ម្នាក់គឺលោក Alireza Akbari ដែលតុលាការរបស់ប្រទេសនេះ បានប្រកាសកាលពីថ្ងៃសៅរ៍ ។ លោក Akbari ដែលបានបម្រើការ ជាអនុរដ្ឋមន្ត្រីការពារជាតិ របស់អ៊ីរ៉ង់ចន្លោះឆ្នាំ ២០០០ និង ២០០៨ ត្រូវបានចាប់ខ្លួននៅឆ្នាំ ២០១៩ ហើយត្រូវបានកាត់ទោសប្រហារជីវិត ពីបទធ្វើចារកម្មក្នុង នាមទីភ្នាក់ងារស៊ើប ការណ៍សម្ងាត់ MI6 របស់ចក្រភពអង់គ្លេស ។
យោងតាមសារព័ត៌មាន RT ចេញផ្សាយនៅថ្ងៃទី១៤ ខែមករា ឆ្នាំ២០២៣ បានឱ្យដឹងថា ទីភ្នាក់ងារសារព័ត៌មាន Mizan របស់តុលាការអ៊ីរ៉ង់បានផ្សាយថា “Alireza Akbari ដែលត្រូវបានកាត់ទោសប្រហារជីវិត ដោយចោទប្រកាន់ពីបទ ពុករលួយនៅលើផែនដី និងសកម្មភាពយ៉ាងទូលំទូលាយ ប្រឆាំងនឹងសន្តិសុខខាងក្នុង និងខាងក្រៅរបស់ប្រទេស តាមរយៈចារកម្មសម្រាប់សេវាស៊ើបការណ៍ សម្ងាត់របស់រដ្ឋាភិបាលអង់គ្លេស… ត្រូវបានប្រហារជីវិត” ។ ទីភ្នាក់ងារនេះបានកត់សម្គាល់ថា Akbari បានទទួលប្រាក់សរុបចំនួន ១ ៨០៥ ០០០ អឺរ៉ូ , ២៦៥ ០០០ផោន និង ៥០ ០០០ ដុល្លារសម្រាប់សកម្មភាព ចារកម្មរបស់គាត់ ។
ការប្រហារជីវិតត្រូវបានធ្វើ តាមជំហានការទូតអរិភាពរបស់ភាគីទាំងពីរ ។ ប៉ុន្មានម៉ោងបន្ទាប់ពីវាបានកើតឡើង ក្រសួងការបរទេសអ៊ីរ៉ង់ បានកោះហៅឯកអគ្គរដ្ឋទូត អង់គ្លេស ដើម្បីសម្តែងការខឹងសម្បារ ចំពោះការចោទប្រកាន់របស់ ទីក្រុងឡុងដ៍ថា “អំពើបំផ្លិចបំផ្លាញ និងទង្វើប្រឆាំងនឹង សន្តិសុខជាតិ” ៕
