បរទេស៖ ក្រសួងការពារជាតិរុស្ស៊ីបាននិយាយថា ការវាយប្រហារមីស៊ីលចុងក្រោយបំផុត ប្រឆាំងនឹងអ៊ុយក្រែន កាលពីថ្ងៃសៅរ៍បានវាយប្រហារ “គោលដៅដែលបានកំណត់ទាំងអស់” ។ មុននេះ មន្ត្រីរបស់រដ្ឋាភិបាលទីក្រុងគៀវ បានរាយការណ៍ថា បណ្តាញអគ្គិសនីរបស់ប្រទេសនេះ ត្រូវបានខូចខាតនៅក្នុងតំបន់ ជាច្រើននៅថ្ងៃតែមួយ។
យោងតាមសារព័ត៌មាន RT ចេញផ្សាយនៅថ្ងៃទី១៥ ខែមករា ឆ្នាំ២០២៣ បានឱ្យដឹងដោយផ្អែកតាម សេចក្តីថ្លែងការណ៍របស់ ក្រសួងការពារជាតិរុស្ស៊ីចេញកាលពីថ្ងៃអាទិត្យថា “នៅថ្ងៃទី ១៤ ខែមករាឆ្នាំ ២០២៣ ការវាយប្រហារដោយមីស៊ីល ត្រូវបានធ្វើឡើងទៅលើប្រព័ន្ធបញ្ជាការយោធា និងការគ្រប់គ្រងរបស់អ៊ុយក្រែន និងកន្លែងថាមពលដែលពាក់ព័ន្ធ។ គោលដៅដែលបានកំណត់ ទាំងអស់ត្រូវបានវាយប្រហារ គោលបំណងត្រូវបានសម្រេច។
ការវាយប្រហារជាច្រើន ត្រូវបានរាយការណ៍ដោយមន្ត្រី និងប្រព័ន្ធផ្សព្វផ្សាយរបស់អ៊ុយក្រែន កាលពីថ្ងៃសៅរ៍ ចំណែករដ្ឋមន្ត្រីថាមពល របស់ប្រទេសអាល្លឺម៉ង់ Galushchenko អះអាងថា មីស៊ីលរុស្ស៊ីបានបាញ់ទៅដល់ ទីតាំងហេដ្ឋារចនាសម្ព័ន្ធថាមពល ជាច្រើននៅទូទាំងប្រទេស។ ប្រតិបត្តិករថាមពលឯកជន ដ៏ធំបំផុតរបស់អ៊ុយក្រែន DTEK បាននិយាយថា ស្ថានីយ៍ថាមពលកំដៅពីររបស់ខ្លួន បានរងការវាយប្រហារ។ វីដេអូដែលផ្សព្វផ្សាយ តាមអ៊ីនធឺណិតបង្ហាញថា យ៉ាងហោចណាស់គ្រឿងបរិក្ខារមួយ បានរងការខូចខាតយ៉ាងធ្ងន់ធ្ងរ ដោយសាលគ្រឿងចក្រដ៏សំខាន់ របស់វាត្រូវបំផ្លាញ។
អគារលំនៅដ្ឋានមួយត្រូវបាន ខូចខាតយ៉ាងធ្ងន់ធ្ងរ ចំពេលមានការវាយប្រហារនៅក្នុងទីក្រុង Dnepr ភាគអាគ្នេយ៍នៃប្រទេសអ៊ុយក្រែន (ពីមុនត្រូវបានគេស្គាល់ថា Dnepropetrovsk) នេះបើយោងតាមវីដេអូដែលបានផ្សព្វផ្សាយ នៅលើប្រព័ន្ធផ្សព្វផ្សាយសង្គម។ ប្រធានាធិបតីអ៊ុយក្រែន លោក វ្ល៉ាឌីមៀ ហ្សេលេនស្គី បាននិយាយថា ជនស៊ីវិល ២៥ នាក់ ត្រូវបានសម្លាប់ និង ៧៣ នាក់រងរបួស។ មន្ត្រីទីក្រុងគៀវ បានដាក់ការស្តីបន្ទោសទៅលើទីក្រុងម៉ូស្គូ ប៉ុន្តែបានផ្តល់គណនីផ្សេងគ្នាអំពី អ្វីដែលបានកើតឡើងនោះទេ៕
ប្រែសម្រួលៈ ណៃ តុលា
