បរទេស៖យន្តហោះស៊ើបការណ៍ ធ្វើប្រតិបត្តិការដោយកងកម្លាំងកូរ៉េ របស់សហរដ្ឋអាមេរិកមួយគ្រឿង បានហោះហើរ ពីលើតំបន់ព្រំដែនភាគខាងកើត នៃប្រទេសកូរ៉េខាងត្បូង នៅថ្ងៃព្រហស្បតិ៍នេះ ក្នុងគោលបំណងច្បាស់ថា ដើម្បីធ្វើការឃ្លាំមើល ប្រទេសកូរ៉េខាងជើង។
យន្តហោះស៊ើបការណ៍ RC-12X Guardrail នេះ បានចេញពីមូលដ្ឋានទ័ពអាកាស Osan និងបានហោះហើរពីលើខេត្ត Gyeonggi និងខេត្ត Gangwon សម្រាប់ប្រតិបត្តិការស៊ើបការណ៍ នេះបើយោងតាមក្រុមអ្នកតាមដានដែនអាកាស SR Airband & Aviation។
យោងតាមសេចក្តីរាយការណ៍មួយ ដែលចេញផ្សាយនៅថ្ងៃទី០៦ ខែកុម្ភៈ ឆ្នាំ២០២០ បានឲ្យដឹងថា ការហោះហើរយន្តហោះស៊ើបការណ៍សម្ងាត់សហរដ្ឋអាមេរិកនេះ គឺត្រូវបានធ្វើឡើង នៅមុនពេលពីថ្ងៃដែលប្រទេសកូរ៉េខាងជើង ប្រារព្ធធ្វើគម្រប់ខួបលើកទី៧២ នៃការបង្កើតកងកម្លាំងប្រដាប់អាវុធ៕
ប្រែសម្រួល៖ប៉ាង កុង
