បរទេស៖ អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃអង្គារថា សហរដ្ឋអាមេរិក មិនគួរធ្វើការចោទប្រកាន់ ទាក់ទងនឹងការអះអាងថា បាឡុងចារកម្ម ដែលទើបតែបានបាញ់ទម្លាក់ លើអាមេរិកខាងជើងនោះទេ ហើយវាជាការប្រសើរជាង ក្នុងការ “ស្វែងរក” បញ្ហានេះដោយខ្លួនឯង។
យោងតាមសារព័ត៌មាន RT ចេញផ្សាយនៅថ្ងៃទី១៤ ខែកុម្ភៈ ឆ្នាំ២០២៣ បានឱ្យដឹងថា ថ្លែងទៅកាន់អ្នកសារព័ត៌មាន លោក Peskov ត្រូវបានស្នើសុំឱ្យធ្វើអត្ថាធិប្បាយ លើការកត់សម្គាល់របស់អគ្គលេខាធិការ អង្គការណាតូ លោក Jens Stoltenberg ដែលបានអះអាងកាលពីថ្ងៃចន្ទថា វត្ថុហោះគ្មានមនុស្សបើក ដែលបានទម្លាក់ពីលើសហរដ្ឋអាមេរិក និងកាណាដា អាចជា “ផ្នែកនៃគំរូកន្លែងនៅប្រទេសចិន ប៉ុន្តែក៏រុស្ស៊ីកំពុងបង្កើនការស៊ើបការណ៍របស់ពួកគេ និង សកម្មភាពឃ្លាំមើលប្រឆាំង នឹងសម្ព័ន្ធមិត្តណាតូ ផងដែរ ។
លោក Peskov បាននិយាយថា “ទាក់ទងនឹងបញ្ហាបាឡុងនេះ ដែលអាមេរិកទាំងមូល កំពុងនិយាយដោយស្ម័គ្រចិត្ត ឬមិនស្ម័គ្រចិត្ត ខ្ញុំសង្ស័យថានរណាម្នាក់គួរតែត្រូវបានស្តីបន្ទោស” ។ “វានឹងប្រសើរជាងប្រសិនបើអាមេរិក រកវាដោយខ្លួនឯង”។
លេខាធិការសារព័ត៌មានរបស់ប្រធានាធិបតីរុស្ស៊ី បានបន្តពណ៌នាអង្គការណាតូថាជា “អង្គការអរិភាព” ។ លោក Peskov បានបន្ថែមថា ប្លុកយោធាដែលដឹកនាំដោយសហរដ្ឋអាមេរិក «បញ្ជាក់ឡើងវិញនូវអរិភាពរបស់ខ្លួន ជារៀងរាល់ថ្ងៃ ហើយកំពុងព្យាយាមឱ្យអស់ ពីសមត្ថភាព ដើម្បីបង្ហាញអំពីការចូលរួមរបស់ខ្លួន នៅក្នុងជម្លោះលើអ៊ុយក្រែនឱ្យបានច្បាស់លាស់ តាមដែលអាចធ្វើទៅបាន»៕ ប្រែសម្រួលៈ ណៃ តុលា
