បរទេស៖ កូរ៉េខាងជើងបានព្រមាន អំពីការគំរាមកំហែង “ប្រាកដនិយម” នៃជម្លោះនុយក្លេអ៊ែរ បន្ទាប់ពីសមយុទ្ធយោធាអាមេរិក និងកូរ៉េខាងត្បូង នៅជុំមួយទៀតចាប់ផ្តើម ដោយព្យាករណ៍ពី “ការកើនឡើងមហន្តរាយ” នៅក្នុងតំបន់។
យោងតាមសារព័ត៌មាន RT ចេញផ្សាយនៅថ្ងៃទី៨ ខែមីនា ឆ្នាំ២០២៣ បានឱ្យដឹងថា ក្រសួងការបរទេសកូរ៉េខាងជើង បានចេញសេចក្តីថ្លែងការណ៍មួយ កាលពីថ្ងៃអង្គារបានថ្កោលទោស សមយុទ្ធផ្លូវអាកាសរួមគ្នានាពេលថ្មីៗនេះ រវាងទីក្រុងវ៉ាស៊ីនតោន និងទីក្រុងសេអ៊ូល ដែលពាក់ព័ន្ធយ៉ាងហោចណាស់ យន្តហោះទម្លាក់គ្រាប់បែក B-52 ដែលមានសមត្ថភាពនុយក្លេអ៊ែរ របស់សហរដ្ឋអាមេរិក ដោយក្រសួងការបរទេសកូរ៉េខាងជើងនិយាយថា សមយុទ្ធនេះគឺមិនគ្រាន់តែបង្កើនហានិភ័យ នៃជម្លោះនៅលើឧបទ្វីបកូរ៉េប៉ុណ្ណោះទេ។
ក្រសួងបាននិយាយដោយបន្ថែមថា «ដោយសារតែសកម្មភាពមិន ទទួលខុសត្រូវរបស់សហរដ្ឋអាមេរិក និងកូរ៉េខាងត្បូង ដែលកំពុងផ្តោតតែលើការការបង្ហាញអាវុធ ប្រដាប់អាវុធដែលជាអ្នកចូលចិត្តសង្គ្រាម ដែលវាផ្ទុយទៅនឹងការចង់បានរបស់ សហគមន៍អន្តរជាតិសម្រាប់ ការបន្ធូរបន្ថយភាពតានតឹង និងស្ថិរភាពនយោបាយ ហានិភ័យនៃសង្គ្រាមនុយក្លេអ៊ែរនៅឧបទ្វីបកូរ៉េ កំពុងផ្លាស់ប្តូរពីដំណាក់កាល ស្រមើស្រមៃទៅជាភាពប្រាកដនិយម» និងថា សមយុទ្ធនេះ “ច្បាស់ណាស់” បង្ហាញថា សហរដ្ឋអាមេរិកកំពុងរៀបចំ សម្រាប់សង្រ្គាមជាមួយកូរ៉េខាងជើង។
សមយុទ្ធប្រយុទ្ធរួមគ្នាស្រដៀងគ្នានេះ ក៏ត្រូវបានចាប់ផ្តើមកាលពី ថ្ងៃសុក្រសប្តាហ៍មុនផងដែរ រួមទាំងយន្តហោះទម្លាក់គ្រាប់បែកយុទ្ធសាស្ត្រ B-1B របស់អាមេរិក ខណៈសមយុទ្ធមួយផ្សេងទៀត នឹងត្រូវធ្វើឡើងនៅសប្តាហ៍ក្រោយ ដើម្បីក្លែងធ្វើការឆ្លើយតបរបស់សហរដ្ឋអាមេរិក និងកូរ៉េខាងត្បូងចំពោះការវាយប្រហារ ដោយមីស៊ីលរបស់កូរ៉េខាងជើង។ ជាងនេះទៅទៀត ចាប់ផ្តើមនៅថ្ងៃទី ១៣ ខែមីនា សម្ព័ន្ធមិត្តទាំងពីរនឹងធ្វើសមយុទ្ធ ដ៏ធំបំផុតនៅក្នុងតំបន់ក្នុងរយៈពេល ៥ ឆ្នាំ ដែលនឹងបន្តរយៈពេល ១១ ថ្ងៃ ៕
ប្រែសម្រួលៈ ណៃ តុលា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
