សភាអាមេរិក ច្រានចោលការដកទ័ព ពីប្រទេសស៊ីរី ទោះបីក្រុងដាម៉ាសថា ការដាក់ពង្រាយនេះ ខុសច្បាប់ក៏ដោយ

បរទេស៖ សមាជិកសភាអាមេរិក បានបោះឆ្នោតប្រឆាំងនឹងសេចក្តីព្រាងច្បាប់ ដែលស្វែងរកការដកកងទ័ពអាមេរិក ទាំងអស់ចេញពីប្រទេសស៊ីរី ដោយជ្រើសរើសបន្តការកាន់កាប់ យោធារយៈពេលជាច្រើនឆ្នាំទៀត បើទោះបីជាមានការជំទាស់ម្តងហើយម្តងទៀត ពីរដ្ឋាភិបាលក្នុងទីក្រុង ដាម៉ាស ដែលបានច្រានចោលវត្តមានប្រដាប់អាវុធថា ខុសច្បាប់ក៏ដោយ។

យោងតាមសារព័ត៌មាន RT ចេញផ្សាយនៅថ្ងៃទី៩ ខែមីនា ឆ្នាំ២០២៣ បានឱ្យដឹងថា ខណៈពេលដែលអ្នកប្រជាធិបតេយ្យចំនួន ៥៦ នាក់បានចូលរួមជាមួយ គណបក្សសាធារណរដ្ឋចំនួន ៤៧ ដើម្បីគាំទ្រសេចក្តីព្រាងច្បាប់ដែលឧបត្ថម្ភដោយ គណបក្សសាធារណរដ្ឋ ដំណោះស្រាយអំណាចសង្រ្គាមស៊ីរី បានបរាជ័យក្នុងការបោះឆ្នោតដោយលទ្ធផល ១០៣-៣២១ កាលពីថ្ងៃពុធដោយប្រឈមមុខនឹង ការប្រឆាំងយ៉ាងតឹងរ៉ឹង។

ណែនាំដោយសមាជិកសភាសាធារណៈរដ្ឋ Florida លោក Matt Gaetz កាលពីខែមុន ច្បាប់នេះនឹងដឹកនាំប្រធានាធិបតី Joe Biden ដកកងទ័ពអាមេរិកចំនួន ៩០០ នាក់ដែលនៅតែដាក់ពង្រាយ ទៅកាន់ប្រទេសមជ្ឈិមបូព៌ាក្នុងរយៈពេលប្រាំមួយខែ។ ដោយលើកហេតុផលថា សភាមិនដែលអនុញ្ញាតឲ្យ មានសកម្មភាពយោធាក្នុងប្រទេសស៊ីរី ដើម្បីចាប់ផ្តើមនោះ លោក Gaetz បានរិះគន់សមាជិកសភាទាំងសងខាង តាមច្រកផ្លូវបន្ទាប់ពីការបោះឆ្នោតមិនល្អ ៕

ប្រែសម្រួលៈ ណៃ តុលា