ម៉ូស្គូ៖ នៅថ្ងៃអាទិត្យទីក្រុងមីនស៍ និងទីក្រុងមូស្គូនឹងប្រារព្ធទិវានៃ ការរួបរួមមួយដោយចងចាំ នៅពេលដែលនៅឆ្នាំ១៩៩៦ ប្រធានាធិបតីបេឡារុស្សលលក Alexander Lukashenko និងប្រធានាធិបតីរុស្ស៊ី នៅពេលនោះលោក Boris Yeltsin បានចុះហត្ថលេខាលើសន្ធិសញ្ញា ដែលមានគោលបំណងបង្កើត រដ្ឋសហភាពនៃប្រទេសជិតខាងស្លាវីទាំងពីរ។
សំណើមួយចំនួន ដូចជារូបិយប័ណ្ណរួម មិនដែលដកចេញនោះទេ ប៉ុន្តែរដ្ឋសហភាពបានក្លាយជាមូលដ្ឋាន សម្រាប់កិច្ចសហប្រតិបត្តិការ កាន់តែស៊ីជម្រៅបន្តិចម្តងៗ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន Aljazeera។
ខណៈពេលដែលបេឡារុស្ស ក៏ហាក់ដូចជាចាប់អារម្មណ៍លើទំនាក់ទំនង ជាមួយលោកខាងលិចដែរ ដែលវាបានផ្លាស់ប្តូរនៅឆ្នាំ២០២០ នៅពេលដែលទីក្រុងម៉ូស្គូ បានមកជួយសង្គ្រោះលោក Lukashenko ។
មេដឹកនាំទាំងពីរបានប្រឈមមុខនឹង ការតវ៉ានៅតាមផ្លូវប្រឆាំងរដ្ឋាភិបាលដ៏ធំ។ រុស្ស៊ីបានឲ្យដឹហថា ខ្លួនបានត្រៀមខ្លួនជាស្រេចក្នុងការ បញ្ជូនទ័ពទៅគាំទ្រការបង្ក្រាបលើការមិនចុះសម្រុង។ នៅទីបំផុត គ្មានទាហានរុស្ស៊ីបានចូលរួមទេ ប៉ុន្តែការផ្តល់ជូនបានទៅជាមធ្យោបាយមួយ ក្នុងការបង្ក្រាបការបះបោរ។
ក្នុងរយៈពេលមួយឆ្នាំចុងក្រោយនេះ ដោយសាររុស្ស៊ីបានវាយកម្ទេចអ៊ុយក្រែន បេឡារុសបានឈរដោយស្មោះត្រង់ ជាមួយភាគីរុស្ស៊ី ហើយថ្មីៗនេះបានយល់ព្រមធ្វើជាម្ចាស់ផ្ទះអាវុធនុយក្លេអ៊ែរយុទ្ធសាស្ត្ររបស់រុស្ស៊ី ដែលជាសញ្ញានៃទំនាក់ទំនងកាន់តែរឹងមាំ ៕
ប្រែសម្រួល ឈូក បូរ៉ា
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
