បរទេស៖ ប្រធានប្រតិបត្តិក្រុមហ៊ុន Twitter លោក Elon Musk បានធ្វើការលើកឡើងថាកាសែត The New York Times គឺជាប្រភេទប្រព័្ធឃោសនា ដែលគួរឲ្យតាមដាននិងអាននោះឡើយឬ Unreadable Propaganda។
ការចេញផ្សាយដោយ RT កាលពីថ្ងៃម្សិលមិញនេះបានឲ្យដឹងទៀតដែរថា ការលើកឡើងរបស់លោក Musk បានធ្វើឡើងបន្តិចក្រោយពេលដែល កាសែតអាមេរិកមួយនេះ បានបដិសេធមិនព្រមធ្វើការ បង់ប្រាក់ដើម្បីទទួលបានសញ្ញាបញ្ជាក់ពី Twitter ឬយើងហៅថាជា Blue Checkmarks ។
គួរឲ្យដឹងដែរថា The New York Times ស្ថិតនៅក្នុងចំណោមកាសែត មួយចំនួនទៀតដែលមិនព្រម ធ្វើការទូទាត់ប្រាក់ប្រចាំខែឲ្យទៅ Twitter ដើម្បីទទួលបានសញ្ញាខៀវឬ Blue Checkmarksហើយក្នុងនោះសូម្បីតែសេតវិមានផងដែរ។
រំលឹកដែរថាលោក Musk បានចាយលុយដល់ទៅ ៤៤ពាន់លានដុល្លារ ទិញយក Twitter កាលពីខែតុលាឆ្នាំទៅដោយបានសន្យាថា នឹងធ្វើការកែប្រែទំរង់ ប្រព័ន្ធបណ្តាញសង្គមមួយនេះ ឲ្យទៅជាវេទិកាដែលផ្តល់នូវ សេរីភាពនិងការពិភាក្សាគ្នា ដោយជំហហើយជាលទ្ធផល មានការផ្លាស់ប្តូរជាច្រើន ក្នុងរយៈពេលប៉ុន្មានខែចុងក្រោយនេះ ៕
ប្រែសម្រួល៖ ស៊ុន លី
Warning: Attempt to read property "term_id" on false in /var/www/dap-news.com/htdocs/wp-content/themes/flex-mag/functions.php on line 999
