បរទេស៖ ប្រធានាធិបតីអ៊ុយក្រែនលោក Vladimir Zelensky បានជួបជាមួយសមាភាគី លោកប្រធានាធិបតីប៉ូឡូញ Andrzej Duda នៅក្នុងទីក្រុង Warsaw កាលពីថ្ងៃពុធកន្លងមកនេះ។
យោងតាមការចេញផ្សាយរបស់ RT បានឲ្យដឹងថាដំណើរទស្សនកិច្ច ជាលើកដំបូងរបស់លោក Zelensky ទៅកាន់ប្រទេសប៉ូឡូញ គឺជាដំណើរទស្សនកិច្ច មិនធ្លាប់មានឡើយគិតចាប់តាំងតែពី ពេលដែលមានព្រឹត្តិការផ្ទុះជម្លោះ រវាងប្រទេសអ៊ុយក្រែន និងប្រទេសរុស្សី តាំងតែពីខែកុម្ភៈឆ្នាំ២០២២។
លោក Zelensky បានពោលបែបនេះនៅក្នុងជំនួបនាទីក្រុង Warsawថា៖ អ្នក(ប៉ូឡូញ) គឺបានឈរកាន់ស្មាជាមួយ នឹងយើងរហូតមកពួកយើងពិត មានក្តីអំណរគុណយ៉ាងខ្លាំង ចំពោះរឿងនេះហើយជឿជាក់ថា ព្រំដែនរបស់យើងនឹងមិនមែនឡើយ ជាព្រំដែនបែបនយោបាយឬសេដ្ឋកិច្ច។
ជាការឆ្លើយតបប្រធានាធិបតីប៉ូឡូញ បានសន្យាបន្តផ្តល់ការគាំទ្រ បន្ថែមទៀតដល់ប្រទេសអ៊ុយក្រែន ហើយក្នុងនោះក៏បានអះអាងថានឹងបន្តផ្តល់ យន្តហោះសល់ពីសម័យសូវៀត MiG-29 ទាំងអស់ដែលខ្លួនមាននៅក្នុង ស្តុកឲ្យទៅប្រទេសអ៊ុយក្រែនផងដែរ ខណៈដែលកន្លងមកប៉ូឡូញធ្លាប់បាន ប្រគល់ប្រមាណជា ១៤គ្រឿងរួយចមកហើយ ៕
ប្រែសម្រួល៖ ស៊ុន លី
