វ៉ាស៊ីនតោន៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១១ ខែមេសា ឆ្នាំ២០២៣ថា មន្ទីរបញ្ចកោណបានឲ្យដឹងកាលពីថ្ងៃចន្ទថា ការបែកធ្លាយឯកសារអាមេរិក ដែលមានភាពរសើបខ្លាំង ដែលភាគច្រើនទាក់ទងនឹងជម្លោះអ៊ុយក្រែន បង្ហាញពីហានិភ័យ “ធ្ងន់ធ្ងរ” ដល់សន្តិសុខជាតិរបស់សហរដ្ឋអាមេរិក។
ការបំពាននេះកំពុងត្រូវបាន ស៊ើបអង្កេតដោយក្រសួងយុត្តិធម៌ ហើយហាក់ដូចជារួមបញ្ចូលព័ត៌មានសម្ងាត់ អំពីសង្គ្រាមនៅក្នុងប្រទេសអ៊ុយក្រែន ក៏ដូចជាការវិភាគដ៏រសើបនៃសម្ព័ន្ធមិត្ត របស់សហរដ្ឋអាមេរិក ដែលមន្ត្រីអាមេរិកកំពុង ស្វែងរកការធានាឡើងវិញ ។
រូបថតជាច្រើនសន្លឹកនៃឯកសារជាច្រើន ត្រូវបានគេរកឃើញនៅលើបណ្តាញសង្គម Twitter, Telegram, Discord និងគេហទំព័រផ្សេងទៀត ក្នុងរយៈពេលប៉ុន្មានថ្ងៃចុងក្រោយនេះ ទោះបីជាមួយចំនួនអាចផ្សព្វផ្សាយ តាមអ៊ីនធឺណិតជាច្រើនសប្តាហ៍ ប្រសិនបើមិនរាប់ខែ មុនពេលពួកគេចាប់ផ្តើមទទួលបាន ការចាប់អារម្មណ៍ពីប្រព័ន្ធ ផ្សព្វផ្សាយកាលពីសប្តាហ៍មុន ។
លោក Chris Meagher ជំនួយការលេខាធិការការពារជាតិ ទទួលបន្ទុកកិច្ចការសាធារណៈបានឲ្យដឹងថា ឯកសារដែលផ្សព្វផ្សាយតាមអ៊ីនធើរណេត បង្កហានិភ័យយ៉ាងធ្ងន់ធ្ងរដល់សន្តិសុខជាតិ និងមានសក្តានុពលក្នុងការ ផ្សព្វផ្សាយព័ត៌មានមិនពិត ។
លោក Meagher បានប្រាប់ដល់អ្នកកាសែតថា “យើងនៅតែស៊ើបអង្កេត ថាតើ រឿងនេះកើតឡើងយ៉ាងដូចម្តេច ក៏ដូចជាវិសាលភាពនៃបញ្ហានេះ ។ មានដំណាក់កាលដើម្បីពិនិត្យមើល ឱ្យកាន់តែច្បាស់អំពីរបៀបដែល ព័ត៌មានប្រភេទនេះត្រូវបានចែកចាយ និងទៅអ្នកណា“ ៕
ប្រែសម្រួលដោយ៖ ម៉ៅ បុប្ផាមករា
