ញូវយ៉ក៖ តម្លៃប្រេងឆៅនាពេល អនាគតបានធ្លាក់ចុះជាង ២ភាគរយកាលពីថ្ងៃអង្គារ ដោយសារការព្រួយបារម្ភ អំពីការធ្លាក់ចុះសេដ្ឋកិច្ច និងតម្រូវការបានត្រឡប់ទៅទីផ្សារវិញ នេះបើយោតាមការចុះផ្សាយរបស់ ទីភ្នាក់ងារសារព័ត៌មានចិនស៊ិនហួ។
West Texas Intermediate (WTI) សម្រាប់ការចែកចាយនៅខែមិថុនាបានធ្លាក់ចុះ ១,៦៩ ដុល្លារអាមេរិក ឬ ២,១៥ ភាគរយមកនៅ ៧៧,០៧ ដុល្លារក្នុងមួយបារ៉ែលនៅលើផ្សារហ៊ុន New York Mercantile Exchange។
ប្រេងឆៅប្រភេទ Brent សម្រាប់ការចែកចាយនៅខែមិថុនាបានធ្លាក់ចុះ ១,៩៦ ដុល្លារ ឬ ២,៣៧ ភាគរយ មកនៅត្រឹម ៨០,៧៧ ដុល្លារក្នុងមួយបារ៉ែលនៅលើផ្សារហ៊ុន London ICE Futures Exchange ។
ការព្រួយបារម្ភលើវិស័យធនាគារ និងការកើនឡើងអត្រាការប្រាក់ បានថ្លឹងថ្លែងលើទីផ្សារភាគហ៊ុន និងតម្លៃថាមពលកាលពីថ្ងៃអង្គារ ជាមួយនឹងប្រាក់ដុល្លារអាមេរិក បានចុះបញ្ជីកំណើនដ៏រឹងមាំ។
លោក Edward Moya អ្នកវិភាគទីផ្សារជាន់ខ្ពស់នៅ OANDA ដែលជាក្រុមហ៊ុនផ្គត់ផ្គង់ការជួញដូរ ទ្រព្យសកម្មតាមអ៊ីនធឺណិត បានឲ្យដឹងថា តម្លៃប្រេងបានធ្លាក់ចុះ ខណៈដែលប្រាក់ដុល្លារកើនឡើង ហើយសញ្ញានៃតម្រូវការ ប្រេងឆៅនៅតែធ្លាក់ចុះដដែល ខណៈដែលអ្នកផ្គត់ផ្គង់សេវាប្រេង Halliburton បានផ្តល់សញ្ញាថា អតិថិជនត្រូវបានលើកទឹកចិត្តយ៉ាងច្បាស់ ដើម្បីផលិតប្រេង និងសេវាកម្មឧស្ម័នបន្ថែមទៀត។
សន្ទស្សន៍ទំនុកចិត្តអ្នកប្រើប្រាស់ របស់សហរដ្ឋអាមេរិកបានធ្លាក់ចុះដល់ ១០១,៣ នៅក្នុងខែមេសាពី ១០៤ នៅក្នុងខែមីនា នេះបើយោងតាមទិន្នន័យ ដែលចេញដោយក្រុមប្រឹក្សា សន្និសីទកាលពីព្រឹកថ្ងៃអង្គារ។
លោក Ataman Ozyildirim នាយកជាន់ខ្ពស់ផ្នែកសេដ្ឋកិច្ច នៅក្រុមប្រឹក្សាសន្និសិទបានឲ្យដឹងថា “ខណៈពេលដែលការវាយតម្លៃ អំណោយផលរបស់អតិថិជន អំពីបរិយាកាសអាជីវកម្មបច្ចុប្បន្ន មានភាពប្រសើរឡើងបន្តិចនៅក្នុងខែមេសា ការរំពឹងទុករបស់ពួកគេបានធ្លាក់ចុះ ហើយនៅតែស្ថិតនៅក្រោមកម្រិត ដែលជារឿយៗបង្ហាញពីការធ្លាក់ចុះ នៃសេដ្ឋកិច្ចក្នុងរយៈពេលខ្លី” ។
លោក Vladimir Zernov អ្នកវិភាគនិងអ្នកផ្គត់ផ្គង់ព័ត៌មានទីផ្សារ FX Empire បានកត់សម្គាល់ឃើញថា ប្រេង WTI បានទាញត្រឡប់មកវិញដល់កម្រិត ៧៧ ដុល្លារក្នុងមួយបារ៉ែល ខណៈដែលតម្រូវការ សម្រាប់ទ្រព្យសម្បត្តិដែលមាន ហានិភ័យបានធ្លាក់ចុះចំពេលមាន ការព្រួយបារម្ភអំពីវិបត្តិសេដ្ឋកិច្ច ៕
ប្រែសម្រួល ឈូក បូរ៉ា
