បរទេស ៖ ប្រធានាធិបតីអាហ្វ្រិកខាងត្បូង លោក Cyril Ramaphosa បានប្រកាសកាលពីថ្ងៃអង្គារថា រដ្ឋាភិបាលអាហ្រ្វិកខាងត្បូង បានសម្រេចប៉ុនប៉ងម្តងទៀត នូវការដកខ្លួនចេញ ពីតុលាការឧក្រិដ្ឋកម្មអន្តរជាតិ (ICC) ។ សេចក្តីថ្លែងការណ៍ របស់លោកធ្វើឡើង មុនពេលកិច្ចប្រជុំកំពូល BRICS នាពេលខាងមុខ នៅខែសីហា នៅទីក្រុង Durban ត្រូវបានប្រគល់ ឱ្យអាហ្វ្រិកខាងត្បូង នូវបញ្ហាដែលសមហេតុផលមួយ ដោយអង្គការដែលមានមូលដ្ឋាន នៅទីក្រុងឡាអេ ក្នុងការកំណត់គោលដៅ ទៅលើប្រធានាធិបតីរុស្ស៊ីលោក Vladimir Putin ដែល ICC ចេញដីការចាប់ខ្លួន ។
យោងតាមសារព័ត៌មាន RT ចេញផ្សាយនៅថ្ងៃទី២៥ ខែមេសា ឆ្នាំ២០២៣ បានឱ្យដឹងថា ការសម្រេចចិត្តនេះ បើយោងតាមប្រធានាធិបតី គឺវាត្រូវបានសម្រេចដោយគណបក្ស សមាជជាតិអាហ្វ្រិក (ANC) បន្ទាប់ពីកិច្ចប្រជុំ កាលពីចុងសប្តាហ៍។
លោក Ramaphosa បាននិយាយបន្ទាប់ពីសន្និសីទ សារព័ត៌មានរួមគ្នាជាមួយប្រធានាធិបតីហ្វាំងឡង់ Sauli Niinisto ដែលកំពុងបំពេញទស្សនកិច្ចការទូត ទៅកាន់ទីក្រុង Pretoria ថា “បាទ គណបក្សគ្រប់គ្រងបានទទួល យកការសម្រេចចិត្តថា វាជាការប្រុងប្រយ័ត្នដែលអាហ្វ្រិកខាងត្បូងគួរតែដកខ្លួនចេញពី ICC”។ “អ្វីដែលធំបំផុតនោះ ដោយសារតែលក្ខណៈដែល ICC ត្រូវបានគេមើលឃើញថា កំពុងដោះស្រាយបញ្ហាប្រភេទនេះ”។
លោក Ramaphosa សំដៅទៅលើអ្វីដែលគាត់ហៅថា “ការប្រព្រឹត្តដោយអយុត្តិធម៌” នៃប្រទេសមួយចំនួនដោយសាលាក្តីនេះ។
ប្រទេសអាហ្រ្វិកខាងត្បូង បានព្យាយាមដកខ្លួនចេញពី ICC ជាលើកដំបូងក្នុងឆ្នាំ ២០១៦ ប៉ុន្តែការប៉ុនប៉ងនេះត្រូវបានលុបចោលវិញ បន្ទាប់ពីសេចក្តីសម្រេច របស់តុលាការជាន់ខ្ពស់ដែលបានរកឃើញថា វាខុសពីរដ្ឋធម្មនុញ្ញ៕
