បរទេស៖ អាជ្ញាធរនៅទីក្រុង Sofia បាននិយាយថា អគ្គរដ្ឋអាជ្ញាប៊ុលហ្គារី លោក Ivan Geshev គឺជាគោលដៅនៃការប៉ុនប៉ងធ្វើឃាតកាលពីព្រឹកថ្ងៃចន្ទ។ គ្រាប់បែកនៅតាមដងផ្លូវមួយបានបំផ្ទុះនៅពេលដែលរថយន្តរបស់លោក Geshev កំពុងបើកបរ។
យោងតាមសារព័ត៌មាន RT ចេញផ្សាយកាលពីថ្ងៃទី១ ខែឧសភា ឆ្នាំ២០២៣ បានឱ្យដឹងថា ឧបទ្ទវហេតុនេះបានកើតឡើងនៅម៉ោងប្រហែល ១១ និង ៤៥នាទី ម៉ោងក្នុងស្រុក ខណៈដែល លោក Geshev កំពុងធ្វើដំណើរត្រលប់ទៅទីក្រុង Samokov ទៅទីក្រុង ។ អគ្គព្រះរាជអាជ្ញារង Borislav Sarafov បានប្រាប់ទូរទស្សន៍ BNT របស់ប្រទេសប៊ុលហ្គារី ខណៈដែលរថយន្តរបស់គាត់បានបត់យ៉ាងភ្លាមៗ ពេល គ្រាប់បែកដែលដាក់នៅសងខាងផ្លូវបានផ្ទុះ។
យោងតាម Sarafov គ្រាប់បែកនេះគឺ “មានបំណងសម្លាប់គាត់តែម្តង គឺមិនមែនដើម្បីបំភិតបំភ័យឡើយ” ។ លោកបាននិយាយថា ឧបករណ៍នេះត្រូវបានដាក់លាយនឹងសារធាតុផ្ទុះស្មើនឹង TNT ៣ គីឡូក្រាម។ ការផ្ទុះនេះបានបន្សល់ទុកនូវរណ្ដៅមួយមានទទឹង ៤ម៉ែត្រ និងជម្រៅ ៤០ សង់ទីម៉ែត្រ ប៉ុន្តែ “ហេតុការណ៍បំផ្ទុះគ្រាប់បែកនេះ” មិនមាននរណាម្នាក់រងរបួសនោះទេ។
ក្រសួងមហាផ្ទៃបានបើកការស៊ើបអង្កេតលើអំពើភេរវកម្ម ហើយប្តេជ្ញាតាមចាប់ជនល្មើស។ ប្រធានលេខាធិការក្រសួងលោក Petar Todorov បាននិយាយថា “ការគំរាមកំហែងដល់អាយុជីវិត និងសុខភាពរបស់ពលរដ្ឋប៊ុលហ្គារីគ្រប់រូប គឺមិនអាចទទួលយកបានឡើយ ហើយសកម្មភាពរបស់យើង និងជាការការពារប្រជាជន” ៕
ប្រែសម្រួលៈ ណៃ តុលា
