ម៉ូស្គូ ៖ ប្រធានាធិបតីបេឡារុស្ស លោក Alexander Lukashenko ដែលជាសម្ព័ន្ធមិត្តជិតស្និទ្ធរបស់ប្រធានាធិបតីរុស្ស៊ី លោក វ្លាឌីមៀ ពូទីន បានអះអាងថា ប្រទេសដែលចូលដៃជាមួយរុស្ស៊ី ក្នុងសង្គ្រាមប្រឆាំងនឹងអ៊ុយក្រែន នឹងទទួលបានអាវុធនុយក្លេអ៊ែរ។
លោក Lukashenko ធ្លាប់ជាអ្នកគាំទ្រ ដ៏រឹងមាំរបស់លោក ពូទីន ដែលថ្មីៗនេះ ភាគច្រើនបានផ្តល់ជំនួយ ផ្នែកយោធាដល់ទីក្រុងមូស្គូ ក្នុងការលុកលុយអ៊ុយក្រែន ដែលជាប្រទេស ដែលមានព្រំប្រទល់ជាប់ប្រទេសបេឡារុស្ស នេះបើយោង តាមការចុះផ្សាយ របស់ទីភ្នាក់ងារសារព័ត៌មាន Newsweek ។
កងទ័ពរុស្ស៊ី ត្រូវបានអនុញ្ញាតឱ្យធ្វើសមយុទ្ធយោធា នៅលើទឹកដីបេឡារុស្ស ហើយក្រោយមកបានចូល អ៊ុយក្រែន ពីប្រទេសបេឡារុស្ស នៅពេលដែលការឈ្លានពាន បានចាប់ផ្តើមកាលពីខែកុម្ភៈឆ្នាំមុន។ ទោះបីជាគ្មានកងទ័ពបេឡារុស្ស ត្រូវបានគេដឹងថា បានចូលក្នុងជម្លោះនៅ អ៊ុយក្រែនក៏ដោយ ប៉ុន្តែការគាំទ្ររបស់ខ្លួន ចំពោះរុស្ស៊ី បានបង្កឱ្យមានភាពចម្រូងចម្រាស នៅលើឆាកពិភពលោក ។
ក្នុងអំឡុងពេលបទសម្ភាសន៍ជាមួយអ្នកឃោសនារុស្ស៊ីលោក Pavel Zarubin កាលពីថ្ងៃព្រហស្បតិ៍ ប៉ុន្តែបានចេញផ្សាយកាលពីថ្ងៃអាទិត្យលោក Lukashenko បានអះអាងថា ប្រទេសណាមួយ ដែលបានចូលរួមក្នុងកតិកាសញ្ញា “រដ្ឋសហភាព” រវាងរុស្ស៊ី និងបេឡារុស្ស នឹងត្រូវបានផ្តល់អាវុធនុយក្លេអ៊ែរ ដោយហៅការរំពឹងទុកថាជា “ឱកាសតែមួយគត់ ដើម្បីរួបរួមគ្នា” ។
ប្រទេសរុស្ស៊ី មានក្បាលគ្រាប់ នុយក្លេអ៊ែរយុទ្ធសាស្ត្រ ប្រហែល ២០០០គ្រាប់ ហើយថ្មីៗនេះ បានជ្រើសរើសឆ្ពោះ ទៅមុខជាមួយនឹងផែនការដាក់ ពង្រាយមួយចំនួនទៅក្នុងប្រទេស បេឡារុស្ស ជាលើកដំបូងចាប់តាំងពីការដួលរលំនៃសហភាព សូវៀតក្នុងឆ្នាំ ១៩៩១។
លោក Lukashenko បានលើកឡើងថា “ប្រសិនបើនរណាម្នាក់ ព្រួយបារម្ភ ខ្ញុំមិនគិតថា ព្រួយបារម្ភ អំពីរឿងនេះទេ ប៉ុន្តែប្រសិនបើមានអ្វីមួយ កើតឡើងភ្លាមៗនោះ គ្មានប្រទេសដទៃណា ដែលមានទំនាក់ទំនងជិតស្និទ្ធ ដូចដែលយើងមានជាមួយរុស្ស៊ីនោះទេ។ វាសាមញ្ញណាស់ថា ប្រទេសនានា គួរតែចូលរួមជាមួយសហភាពបេឡារុស្ស ជាមួយរុស្ស៊ី ហើយជាប្រទេសទាំងនោះ នឹងមានអាវុធនុយក្លេអ៊ែរ” ។
លោក ពូទីន ត្រូវបានគេចោទប្រកាន់ម្តងហើយម្តងទៀតថា បានគំរាមកំហែងការប្រើប្រាស់អាវុធនុយក្លេអ៊ែរ ប្រឆាំងនឹង អ៊ុយក្រែន ឬប្រទេសសម្ព័ន្ធមិត្ត ដែលជួយខ្លួនក្នុងការរុញច្រានការឈ្លានពានរបស់រុស្ស៊ី។ វិមានក្រឹមឡាំងបានប្រឆាំងដោយអះអាងថា រុស្ស៊ីនឹងដាក់ពង្រាយអាវុធនុយក្លេអ៊ែរតែប៉ុណ្ណោះ ប្រសិនបើអធិបតេយ្យភាព របស់ខ្លួនត្រូវបានគំរាមកំហែងដោយផ្ទាល់ ដូចគោល នយោបាយនុយក្លេអ៊ែរ ស្តង់ដាររបស់ប្រទេសក្នុង រយៈពេលប៉ុន្មានឆ្នាំកន្លងមកនេះ ។
អ្នកជំនាញបានឲ្យដឹងថា រុស្ស៊ី នៅតែមិនអាចប្រើប្រាស់ឃ្លាំងអាវុធ នុយក្លេអ៊ែររបស់ខ្លួនបានឡើយ បើទោះបីជាថ្មីៗនេះ ការផ្លាស់ប្តូរទៅកាន់ ប្រទេសបេឡារុស្ស ក៏ដោយ ដោយវិទ្យាស្ថានសម្រាប់ការសិក្សាសង្គ្រាម (ISW) បានសរសេរកាលពីខែមីនាថា លោក ពូទីន បានធ្វើការគំរាមកំហែង “ដោយគ្មានចេតនាណាមួយ ដើម្បីតាមដានក្នុងការទម្លាយ ដំណោះស្រាយលោកខាងលិចបានឡើយ។
វរសេនីយឯក Hamish de Bretton-Gordon ដែលពីមុនបានបញ្ជាកងកម្លាំងការពារជាតិគីមី ជីវសាស្រ្ត វិទ្យុសកម្ម និងនុយក្លេអ៊ែរ (CBRN) របស់ចក្រភពអង់គ្លេស និងណាតូ បានប្រាប់ Newsweek ថា ខណៈពេលដែលការផ្លាស់ប្តូរនេះ គឺមានការកើនឡើង វាក៏ជា “កំហុសយុទ្ធសាស្ត្រដ៏ធំ” ផងដែរ ហើយការគំរាមកំហែង ពីរុស្ស៊ីនៅតែមានចន្លោះប្រហោង” ៕
