តូក្យូ៖ រដ្ឋមន្ត្រីការបរទេសជប៉ុន និងឥណ្ឌា បានសន្យារួមគ្នា ដើម្បីលើកកម្ពស់ឥណ្ឌូប៉ាស៊ីហ្វិកសេរី និងបើកចំហ ដែលជាចក្ខុវិស័យគាំទ្រដោយប្រទេសជប៉ុន និងប្រទេស ដែលមានគំនិតដូចគ្នា ចំពេលមានការកើនឡើងនៃឥទ្ធិពលរបស់ចិននៅក្នុងតំបន់។
ក្រសួងការបរទេសជប៉ុនបានឲ្យដឹងថា ក្នុងអំឡុងកិច្ចប្រជុំរបស់ពួកគេនៅទីក្រុងញូវដេលី រដ្ឋមន្ត្រីការបរទេសជប៉ុនលោក Yoshimasa Hayashi និងសមភាគីឥណ្ឌាលោក Subrahmanyam Jaishankar ក៏បានព្រមព្រៀងគ្នាក្នុងការពង្រឹងកិច្ចសហប្រតិបត្តិការសន្តិសុខទ្វេភាគី រួមទាំងឧបករណ៍ការពារជាតិ និងការផ្ទេរបច្ចេកវិទ្យាផងដែរ។
កិច្ចពិភាក្សាទ្វេភាគីបានធ្វើឡើងនៅពេលដែលទីក្រុងតូក្យូ ផ្តោតលើការបង្កើនទំនាក់ទំនងរបស់ខ្លួនជាមួយនឹងសេដ្ឋកិច្ច ដែលកំពុងរីកចម្រើន និងកំពុងអភិវឌ្ឍន៍ ដែលត្រូវបានគេហៅថា ជាសកលខាងត្បូង ដោយឥណ្ឌា ត្រូវបានចាត់ទុកយ៉ាងទូលំទូលាយថា ជាមហាអំណាចឈានមុខគេក្នុងចំណោមពួកគេ។
ជប៉ុន និងឥណ្ឌា គឺជាផ្នែកមួយនៃក្របខ័ណ្ឌ Quad រួមជាមួយនឹងសហរដ្ឋអាមេរិក និងអូស្ត្រាលី ក្នុងគោលបំណងជំរុញកិច្ចសហប្រតិបត្តិការលើវិស័យផ្សេងៗ។ ក្រុមនេះបានទទួលការទាញយកជាការទប់ទល់នឹងប្រទេសចិនចំពេលមានការប្រជែងគ្នាកាន់តែខ្លាំងរវាងក្រុងវ៉ាស៊ីនតោន និងក្រុងប៉េកាំង។
យោងតាមក្រសួងបានឱ្យដឹងថា អ្នកការទូតកំពូលក៏បានអះអាងឡើងវិញ នូវកិច្ចសហប្រតិបត្តិការរវាងជប៉ុន និងឥណ្ឌា ដែលជាក្រុមទាំង៧ នៅឆ្នាំនេះ និងក្រុមចំនួន ២០ រៀងគ្នាឆ្ពោះទៅរកភាពជោគជ័យ នៃកិច្ចប្រជុំកំពូល G-20 ដែលគ្រោងធ្វើនៅដើមខែកញ្ញានៅរដ្ឋធានីឥណ្ឌា។
ឥណ្ឌាជាសមាជិក នៃវេទិកា BRICS ក៏មានការចូលរួមពីប្រេស៊ីល ចិន រុស្ស៊ី និងអាហ្វ្រិកខាងត្បូង ហើយបានរក្សាទំនាក់ទំនងមិត្តភាពជាមួយទីក្រុងមូស្គូ សូម្បីតែបន្ទាប់ពីការបើកការឈ្លានពានអ៊ុយក្រែន ក្នុងខែកុម្ភៈឆ្នាំមុនក៏ដោយ៕ ប្រែសម្រួល ឈូក បូរ៉ា
