តំណាងពលរដ្ឋខ្មែរ រស់នៅទីក្រុងរិនតុននឹងទីក្រុងខិន រដ្ឋវ៉ាស៊ីនតោន សហរដ្ឋអាមេរិកទាំងអស់ សូមប្រកាសគាំទ្រ ចំពោះប្រសាសន៍ថ្លៃថ្លា របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នារសៀលថ្ងៃពុធ ទី២៦ ខែកក្កដា ឆ្នាំ២០២៣ ដែលបញ្ជាក់យ៉ាងច្បាស់ថា ឯកឧត្តមបណ្ឌិត ហ៊ុន ម៉ាណែត នឹង ក្លាយជានាយករដ្ឋមន្ត្រី នៃព្រះរាជាណាចក្រកម្ពុជា ចាប់ពីល្ងាច ថ្ងៃទី២២ ខែសីហា ឆ្នាំ២០២៣ ខាងមុខនេះ ហើយសម្តេចតេជោ ហ៊ុន សែន និងកាន់តំណែងជាប្រធានព្រឹទ្ធសភា ដែលនឹងដើរតួនាទី ជាប្រមុខរដ្ឋស្ដីទី នៅពេលអវត្តមាន ព្រះមហាក្សត្រ និងវាប្រធានក្រុមប្រឹក្សា រាជសម្បត្តិផងដែរ។
ការសម្រេចចិត្តដ៏ត្រឹមត្រូវរបស់ សម្តេចតេជោ ហ៊ុន សែន ក្នុងការឈប់ពីតួនាទី នាយករដ្ឋមន្តី ក្នុងពេលនេះ គឺជាការលះបង់ដ៏ខ្ពង់ខ្ពស់បំផុត ដើម្បីបាននូវសេចក្តីសុខសាន្ត របស់ប្រទេសជាតិ និងប្រជាជនកម្ពុជា។ ការលះបង់នាពេលនេះ ក៏មិនខុសពីការលះបង់ ក្នុងពេលកន្លងមក របស់ សម្ដេចតេជោ ហ៊ុន សែន ដែលបង្ហាញតាម រយៈឧត្តមភាព ដែលមិនអាចកាត់ថ្លៃបានរបស់ សម្តេចតេជោ ហ៊ុន សែន ក្នុងការតស៊ូលះបង់ ដើម្បីសង្គ្រោះជាតិ និងប្រជាជន ការកសាងប្រទេសពីបាតដៃទទេរ ឱ្យមានការអភិវឌ្ឍ ដល់សព្វថ្ងៃ និងការនាំមកនូវសុខសន្តិភាព ពេញលេញ តាមរយៈនយោបាយឈ្នះ-ឈ្នះ បានធ្វើឱ្យប្រជាជន រស់នៅក្នុងភាពសម្បូរសប្បាយ ក្រោមម្លប់សន្តិភាព។
ឯកឧត្តមបណ្ឌិត ហ៊ុន ម៉ាណែត ជាធនធានមនុស្សកម្ររបស់ជាតិ ដែលបានទទួលការអប់រំខ្ពង់ខ្ពស់ប្រកបដោយសមត្ថភាព និងបទពិសោធន៍ការងារ ជ្រាលជ្រៅទាំងក្នុងកម្រិតជាតិ និងអន្តរជាតិ។
ឯកឧត្តមបណ្ឌិតជាកុលបុត្រ ប្រកបដោយគុណធម៍ និងក្តីអាណិតស្រឡាញ់ជ្រាលជ្រៅបំផុតចំពោះប្រជាពលរដ្ឋស័ក្តិសមទទួលមុខដំណែងដ៏ថ្លៃថ្លាជា “នាយករដ្ឋមន្រ្តីនៃកម្ពុជា” នៅក្នុងអាណត្តិទី ៧ ឆ្នាំ ២០២៣ នេះ។
ពិតណាស់ ឯកឧត្តមបណ្ឌិតគឺជាក្តីសង្ឃឹមរបស់លោកតាលោកយាយពូមីង និងបងប្អូនយុវជនខ្មែរគ្រប់ស្រទាប់វណ្ណៈទាំងអស់រស់នៅ ក្នុងព្រះរាជាណាចក្រកម្ពុជា ក៏ដូចបងប្អូនរស់នៅក្នុងទីក្រុងរិនតុន នឹងទីក្រុងខិន រដ្ឋវ៉ាស៊ីនតោនសហរដ្ឋអាមេរិក យើងខ្ញុំទាំងអស់គ្នាមានការរីករាយសប្បាយចិត្តជាពន់ពេកដោយក្គ្មានអ្វីប្រៀបបានបន្ទាប់ពីបានទទួលនេះ។
យើងខ្ញុំសូមបួងសួង ឯកឧត្តមបណ្ឌិត មានសុខភាពល្អ អាយុយឺនយូរ និងទទួលបានជោគជ័យក្នុងភារកិច្ចដ៏ឧត្តុង្គឧត្តម ដើម្បីបម្រើប្រជាពលរដ្ឋ និងប្រទេសជាតិក្រោមម្លប់សន្តិភាពដែលជាមរតកដ៏ថ្លៃថ្លាបំផុតពីសម្តេចតេជោ៕
ពីខ្ញុំបាទ ឈិន រតនា ជាតំណាងឲ្យបងប្អូនរស់នៅទីក្រុងរិនតុននឹងទីក្រុងខិន រដ្ឋវ៉ាស៊ីនតោនសហរដ្ឋអាមេរិកទាំងអស់
