អ.ស.ប៖ ទីភ្នាក់ងារព័ត៌មានចិនស៊ិនហួ បានផ្សព្វផ្សាយនៅថ្ងៃទី១ ខែសីហា ឆ្នាំ២០២៣ថា ក្រុមប្រឹក្សាសន្តិសុខអង្គការសហប្រជាជាតិ (UN) កាលពីថ្ងៃចន្ទបានថ្កោលទោសយ៉ាងខ្លាំង ចំពោះការវាយប្រហារភេរវកម្មអត្តឃាត “ដ៏សាហាវ និងកំសាកបំផុត” នៅក្នុងកិច្ចប្រជុំកិច្ចការ នយោបាយមួយនៅក្នុងខេត្ត Khyber Pakhtunkhwa ដែលស្ថិតនៅភាគពាយ័ព្យ នៃប្រទេសប៉ាគីស្ថាន កាលពីថ្ងៃអាទិត្យ ។
គួររំលឹកថា ការវាយប្រហារនេះ ត្រូវបានគេរាយការណ៍ថា បានសម្លាប់មនុស្សរាប់សិបនាក់ និងជាង១០០នាក់ផ្សេងទៀតរងរបួស ហើយកាលពីថ្ងៃចន្ទ ក្រុមរដ្ឋឥស្លាម បានអះអាងទទួលខុសត្រូវ ចំពោះការវាយប្រហារនេះ ។
នៅក្នុងសេចក្តីថ្លែងការណ៍មួយ សមាជិកក្រុមប្រឹក្សាសន្តិសុខបានក្រើនរំលឹកថា អំពើភេរវកម្មណាមួយគឺជាឧក្រិដ្ឋកម្ម និងមិនសមហេតុផល ដោយមិនគិតពីការលើកទឹកចិត្ត របស់ពួកគេ ទោះនៅទីណា នៅពេលណា និងដោយអ្នកណាក៏ដោយ ដែលពួកគេត្រូវបានប្រព្រឹត្តខុស នឹងនាំយកមកផ្តន្ទាទោស” ៕
ប្រែសម្រួលដោយ៖ ម៉ៅ បុប្ផាមករា
