បរទេស៖ ប្រព័ន្ធផ្សព្វផ្សាយរបស់ចក្រភពអង់គ្លេស បានរាយការណ៍កាលពីថ្ងៃអង្គារថា កម្មករធ្វើការនៅរោងចក្រផលិតគ្រាប់របស់ចក្រភពអង់គ្លេសដែលផ្គត់ផ្គង់មីស៊ីលដល់ប្រទេសអ៊ុយក្រែន បានកំពុងធ្វើកូដកម្មរយៈពេលពីរសប្តាហ៍ជុំវិញបញ្ហាប្រាក់ឈ្នួល និងប្រាក់រង្វាន់។
យោងតាមសារព័ត៌មាន Sputnik ចេញផ្សាយនៅថ្ងៃទី៩ ខែសីហា ឆ្នាំ២០២៣ បានឱ្យដឹងថា កម្មករប្រហែល ៥០ នាក់ដែលគ្រប់គ្រង និងទុកដាក់គ្រាប់មីស៊ីលនៅរោងចក្រឧបករណ៍ការពារ និងជំនួយក្នុងទីក្រុងបេដ ស្រុក អ៊ែរសាយអ័រ ភាគនិរតី នៃប្រទេសស្កុតឡែន របស់ចក្រភពអង់គ្លេស ត្រូវបានគេអះអាងថា ត្រូវបានផ្លាស់ប្តូររយៈពេលខ្លីដោយកិច្ចព្រមព្រៀងប្រាក់ឈ្នួល និងប្រាក់រង្វាន់ដែលផ្តល់ដោយរោងចក្រ។
លោក ល្វីស ហ្គីលមូ លេខាធិការនៃសហជីព GMB នៅស្កុតឡេនបាននិយាយថា សមាជិករបស់ខ្លួនដែលបំពេញតួនាទី “មិនមែនអាជីព” នៅរោងចក្រ ពេលនេះត្រូវបានផ្តល់ប្រាក់ឈ្នួលរហូតដល់ ១៨ ០០០ ផោន ឬស្មើនឹង ២៣ ០០០ដុល្លារ ក្នុងមួយឆ្នាំ គឺតិចជាង “បុគ្គលិកដែលមានជំនាញផ្សេងទៀត “បន្ទាប់ពីការគ្រប់គ្រងរបស់រោងចក្របានដំឡើងប្រាក់ឈ្នួល របស់ពួកគេដើម្បីការពារ ការទាក់ទាញបុគ្គលិកដោយក្រុមហ៊ុនការពាររបស់ឯកជន។
លោកបន្តថា “មនុស្សគ្រប់គ្នានាំមកនូវជំនាញផ្សេងៗគ្នា ដល់ការងាររបស់ពួកគេ ហើយអ្វីដែលគួរត្រូវបានទទួលស្គាល់ ប៉ុន្តែតួនាទីរបស់សមាជិករបស់យើងគឺជាមូលដ្ឋានគ្រឹះសម្រាប់ប្រតិបត្តិការប្រកបដោយប្រសិទ្ធភាពនៃទីតាំងដ៏សំខាន់នេះ។ ពួកគេគ្រាន់តែសុំឱ្យមានភាពយុត្តិធម៌ប៉ុណ្ណោះ ហើយការគាំទ្រដែលពួកគេបានទទួលពីស្កុតឡែនដល់អ៊ុយក្រែន បង្ហាញពីមូលហេតុ ពួកគេសមនឹងទទួលបានវា»។
របាយការណ៍បានឱ្យដឹងថា សហជីពបានទទួលការគាំទ្រសម្រាប់ជម្លោះពីសហជីពអ៊ុយក្រែន។ សហព័ន្ធសហជីពសេរីនៃអ៊ុយក្រែនត្រូវបានដកស្រង់នៅក្នុងរបាយការណ៍ដោយនិយាយថា រោងចក្រនេះបានដើរតួយ៉ាងសំខាន់ក្នុងការផ្គត់ផ្គង់អាវុធដល់អ៊ុយក្រែនដោយជំរុញឱ្យនាយកប្រតិបត្តិរោងចក្រដោះស្រាយជម្លោះនេះឱ្យបានឆាប់តាមដែលអាចធ្វើទៅបាន។
ចំណែកអ្នកនាំពាក្យក្រសួងការពារជាតិអង់គ្លេស បាននិយាយថា កូដកម្មនៅរោងចក្រដែលប្រមូលផ្តុំមីស៊ីលប្រភេទ Storm Shadow និង Brimstone ដែលត្រូវបានផ្គត់ផ្គង់ទៅឱ្យអ៊ុយក្រែន ដោយក្រសួងការពារជាតិអង់គ្លេស គឺ នឹងមិនប៉ះពាល់ដល់ការដឹកជញ្ជូនអាវុធនោះទេ៕ ប្រែសម្រួលៈ ណៃ តុលា
