បរទេស៖ ក្រុមហ៊ុនផលិតបន្ទះឈីបយក្សរបស់សហរដ្ឋអាមេរិក Synopsys បានចុះហត្ថលេខាលើអនុស្សរណៈជាមួយអង្គភាពនៃក្រសួងព័ត៌មាន និងទំនាក់ទំនង ដើម្បីគាំទ្រដល់ការអភិវឌ្ឍន៍ឧស្សាហកម្ម ពាក់កណ្តាលចម្លង នៅក្នុងប្រទេសវៀតណាម។
យោងតាមសារព័ត៌មាន VN Express ចេញផ្សាយនៅថ្ងៃទី២០ ខែកញ្ញា ឆ្នាំ២០២៣ បានឱ្យដឹងថា ការចុះហត្ថលេខានេះបានធ្វើឡើងនៅថ្ងៃទី១៨ ខែកញ្ញា (ម៉ោងនៅសហរដ្ឋអាមេរិក) នៅទីស្នាក់ការកណ្តាល Synopsys ក្នុងទីក្រុង San Francisco រដ្ឋកាលីហ្វ័រញ៉ា ក្រោមសាក្សីភាពរបស់លោកនាយករដ្ឋមន្ត្រី Pham Minh Chinh ក្នុងដំណើរទស្សនកិច្ចការងាររបស់លោក។
អនុស្សរណៈនេះបញ្ជាក់ថា ក្រុមហ៊ុន Synopsys នឹងគាំទ្រដល់នាយកដ្ឋានបច្ចេកវិទ្យាព័ត៌មាន និងឧស្សាហកម្មទំនាក់ទំនងក្នុងការបង្កើតផែនការបង្កើតមជ្ឈមណ្ឌលស្រាវជ្រាវ ឧបករណ៍ពាក់កណ្តាលចម្លង ។
បច្ចេកវិទ្យារបស់ Synopsys ត្រូវបានកំណត់ឱ្យប្រើជាគំរូ និងគំរូសម្រាប់ការផលិត semiconductor ។
លោក Nguyen Thien Nghia អនុប្រធាននាយកដ្ឋានបាននិយាយថា ភាពជាដៃគូជាមួយ Synopsys អនុញ្ញាតឱ្យវិស្វករវៀតណាមទទួលបានការបណ្តុះបណ្តាលដោយអ្នករចនាបន្ទះឈីបដ៏ល្អបំផុតមួយក្នុងពិភពលោក៕ ប្រែសម្រួលៈ ណៃ តុលា
