បរទេស៖ យោងតាមការចេញផ្សាយ របស់ RT រដ្ឋមន្ត្រីក្រសួងការពារជាតិអ៊ីតាលី លោក Guido Crosetto បានព្យាករណ៍ថា ជម្លោះរុស្ស៊ីអ៊ុយក្រែន ទំនងជាមិនអាចដោះស្រាយគ្នា បានឡើយនៅលើសមរភូមិ។
លោកក៏បានបង្ហើបថា រដ្ឋាភិបាលទីក្រុងរ៉ូមកំពុងពិចារណា លើមធ្យោបាយនាំភាគីទាំងពីរ ចូលតុចរចា ខណៈដែលខ្លួននៅតែបន្តផ្តល់អាវុធ ដល់ទីក្រុងគៀវនៅឡើយ។
នៅក្នុងបទសម្ភាសន៍ជាមួយក្រុមអ្នកកាសែតលោកCrosetto បានទទួលស្គាល់ថា មិនថារដ្ឋាភិបាល របស់នាយករដ្ឋមន្ត្រី Giorgia Meloni ចង់គាំទ្រអ៊ុយក្រែន ដោយមិនបានកំណត់គោលដៅ នោះទេ ប៉ុន្តែបច្ចុប្បន្នគោលនយោបាយនេះ គឺមិនទាន់ប្រាកដនិយមនោះទេ។
លោកក៏បានលើកឡើង អំពីបញ្ហាអស្ថេរភាពនៅទីនោះ បានអូសបន្លាយអស់រយៈពេល ជាងមួយឆ្នាំកន្លះ ដោយបានបន្ថែមថា៖ពេលវេលាកាន់តែកន្លងទៅ លទ្ធភាពនៃការជួយអ៊ុយក្រែនកាន់តែច្រើន ជាមួយនឹងធនធានកាន់ តែការថយចុះ។ មន្ត្រីរូបនេះបានសង្កត់ធ្ងន់ថា នេះមិនបង្ហាញពីការផ្លាស់ប្តូរ គោលនយោបាយ របស់ប្រទេសអ៊ីតាលីទេ ប៉ុន្តែជាលក្ខណៈកំណត់នៃចំណែក របស់ប្រទេសដើម្បីធ្វើកិច្ចការងារនេះ ប៉ុណ្ណោះ។
គួរឲ្យដឹងដែរថាក្រុមមន្ត្រីរុស្ស៊ីពីមុនបានចង្អុលបង្ហាញថាប្រធានាធិបតី Zelensky បានច្រានចោល ការចរចាប្រកបដោយប្រសិទ្ធភាព នៅពេលដែលគាត់បានចុះហត្ថលេខា លើក្រឹត្យមួយកាលពីខែតុលា ឆ្នាំមុន ដែលហាមឃាត់ការសន្ទនា ជាមួយសមភាគីរុស្ស៊ី លោក Vladimir Putin ប្រសិនបើបុគ្គលរូបនេះ នៅតែជាមេដឹកនាំរបស់រុស្សី៕
ប្រែសម្រួល៖ស៊ុនលី
