បរទេស ៖ យោងតាមការចេញផ្សាយ របស់ RT កាលពីថ្ងៃម្សិលមិញប្រធានាធិបតីរុស្ស៊ី លោក Vladimir Putin បានលើកឡើងថា ប្រទេសលោកខាងលិច កំពុងបង្កើតការស្អប់ខ្ពើម និងការមិនអត់ឱនខាងសាសនា ដើម្បី បែងចែក និងដណ្តើមយកពិភពលោក និងរៀបចំទៅ ជាសណ្តាប់ធ្នាប់ពិភពលោកថ្មី ដែលស្មើនឹងការគ្រប់គ្រង និងអាណានិគមនិយម ។
ថ្លែងនៅក្នុងជំនួបមួយមេដឹកនាំ នៃសហគមន៍សាសនា របស់រុស្ស៊ីនៅវិមានក្រឹមឡាំង លោក Putin បានលើកឡើងអំពីជម្លោះបច្ចុប្បន្ននៅមជ្ឈិមបូព៌ា ហើយបានព្រមានថា Islamophobia ប្រឆាំងនឹងពួក យូដានិយម និង Russophobia កំពុងត្រូវបានប្រើប្រាស់ជាអាវុធ ប្រឆាំងនឹងពិភពលោក ដែលត្រៀមក្លាយខ្លួនទៅជាពហុប៉ូល ។
លោកខាងលិចមើលឃើញពីរបៀប ដែលដំណើរការនៃការបង្កើត សណ្តាប់ធ្នាប់ពិភពលោកពហុប៉ូលកំពុងទទួលបានសន្ទុះ។ ហើយដើម្បីទប់ស្កាត់ការអភិវឌ្ឍនៃប្រទេសអធិបតេយ្យភាពឯករាជ្យ ដើម្បីបំបែកមនុស្សភាគច្រើន លើពិភពលោក ពួកគេប្រើមធ្យោបាយដូចគ្នា។
លើសពីនេះ លោក Putin បានព្រមានថា កងកម្លាំងទាំងនេះចង់ឱ្យ ការរីករាលដាល នៃអំពើហឹង្សា និងការស្អប់ខ្ពើម វាយលុកមិនត្រឹមតែ តំបន់មជ្ឈិមបូព៌ាប៉ុណ្ណោះទេ ប៉ុន្តែលោកក៏បានព្រមានទៅដល់បណ្តា ប្រទេសនៅអឺរ៉ាស៊ីផងដែរ៕
ប្រែសម្រួល៖ស៊ុនលី
