តូក្យូ៖ សមាជិកសភាគណបក្សកាន់អំណាចជប៉ុនម្នាក់ បានលាលែងពីតំណែងជាអនុរដ្ឋមន្ត្រីសភា បន្ទាប់ពីមានរបាយការណ៍ប្រព័ន្ធផ្សព្វផ្សាយអំពី ទំនាក់ទំនងមិនសមរម្យរបស់លោកជាមួយស្ត្រី ដែលជាទង្វើដែលអាចដោះស្រាយ ផលប៉ះពាល់បន្ថែមទៀតដល់រដ្ឋាភិបាល របស់នាយករដ្ឋមន្ត្រីលោក ហ្វូមីអូ គីស៊ីដា ខណៈដែលខ្លួនកំពុងតស៊ូ ជាមួយនឹងអត្រាគាំទ្រទាប។
ការលាលែងពីតំណែងរបស់សមាជិកសភាលោក Taro Yamada ត្រូវបានអនុម័តដោយរដ្ឋាភិបាលមួយថ្ងៃបន្ទាប់ពី Bunshun Online បានរាយការណ៍ថា លោកមានទំនាក់ទំនងស្នេហាក្រៅឆាក ដោយលោកជាកម្មសិទ្ធិរបស់ គណបក្សប្រជាធិបតេយ្យសេរី ដែលដឹកនាំដោយលោក គីស៊ីដា។
លោក Yamada ដែលជាអនុរដ្ឋមន្ត្រីក្រសួងអប់រំរបស់សភា បានក្លាយជាអ្នកទីមួយក្នុងចំណោមគណៈរដ្ឋមន្ត្រី អនុប្រធានជាន់ខ្ពស់ ឬអនុរដ្ឋមន្ត្រីសភារបស់លោក គីស៊ីដា ដែលលាលែងពីតំណែង ចាប់តាំងពីលោក បានផ្លាស់ប្តូរគណៈរដ្ឋមន្ត្រីរបស់លោក នៅក្នុងខែកញ្ញា។
លោក Yamada បានប្រាប់អ្នកយកព័ត៌មាន ខណៈពេលដែលបដិសេធថា លោកនឹងចុះចេញពីដំណែងជាសមាជិកសភាថា “សកម្មភាពរបស់ខ្ញុំខ្វះការយល់ដឹងដោយខ្លួនឯង ខ្ញុំចង់ជៀសវាងការរារាំងដល់ការពិចារណារបស់សភា”។
របាយការណ៍ Bunshun Online ដែលធ្វើឡើងដោយ Shukan Bunshun ប្រចាំសប្តាហ៍កាលពីថ្ងៃព្រហស្បតិ៍ បានឲ្យដឹងថា លោក Yamada ដែលមានប្រពន្ធ និងកូនស្រីបានចំណាយពេលប្រហែល ៣ ម៉ោងជាមួយស្ត្រីម្នាក់ នៅសណ្ឋាគារក្នុងទីក្រុងតូក្យូ កាលពីថ្ងៃព្រហស្បតិ៍សប្តាហ៍មុនមួយថ្ងៃ មុនពេលសម័យប្រជុំវិសាមញ្ញត្រូវបានកោះប្រជុំ៕
ប្រែសម្រួល ឈូក បូរ៉ា
